- ఘనంగా బోనాల ఊరేగింపు
- పాల్గొన్న జడ్పీటీసీ ఎమ్మే శ్రీలతాసత్యనారాయణ
నవతెలంగాణ-కొత్తూరు
         మండలంలోని గూడూరు గ్రామంలో ఆదివారం బొడ్రాయి ప్రతిష్టాపన కార్యక్రమం గ్రామస్తులు ఘనంగా నిర్వహించారు. బొడ్రాయిని గ్రామ పురవీధుల గుండా ఊరేగించి గ్రామ నడిబొడ్డున వేద పండితుల ఆధ్వర్యంలో ప్రతిష్ట చేశారు. అనంతరం గ్రామం లోని మహిళలందరూ పెద్ద ఎత్తున బోనాలను ఊరేగింపుగా బయలుదే రి అమ్మ వారికి నైవేద్యం సమర్పించా రు. పోతురాజుల విన్యాసాలు, శివశక్తుల పూనకాలతో ఊరేగింపు కొనసాగింది. డప్పు చప్పుల మధ్య చిన్న, పెద్ద తేడా లేకుండా కదం తొక్కారు. ఈ కార్యక్రమానికి జడ్పీ టీసీ ఎమ్మే శీలతసత్యనారాయణ హాజరై ప్రత్యేక పూజలు నిర్వహిం చారు. ఈ సందర్భంగా ఆమె మాట్లా డుతూ... గ్రామస్తులంతా ఐక్యంగా కలిసి ఇంత పెద్ద కార్యక్రమాన్ని నిర్వహించుకోవడం అభినందించాల్సిన అవసరం ఎంతైనా ఉందని అన్నారు. ఈ కార్యక్రమంలో ఎంపీపీ పిన్నింటి మధుసూదన్‌ రెడ్డి, నాయకులు ఎమ్మే సత్యనారాయణ, సర్పంచ్‌ బి.సత్తయ్య, ఉపసర్పంచ్‌ దయానంద్‌గుప్తా, చేగూరు పీఏసీఎస్‌ వైస్‌ చైర్మన్‌ మున్నూరు పద్మారావు, నాయకులు చిర్రా మధుసూ దన్‌రావు, రవీందర్‌గౌడ్‌, గుండు సురేష్‌ తదితరులు పాల్గొన్నారు.