నవతెలంగాణ-తలకొండపల్లి
మండలంలోని పడమటితండా గ్రామపంచాయతీలో గురువారం తుల్జా భవాని ఆలయ నిర్మాణానికి జడ్పీటీసీ ఉప్పల వెంకటేష్‌, ఆయన సతీమణి మంజుల, ఎంపీపీ నిర్మలతో కలిసి శంకుస్థాపన చేశారు. ఈ సందర్భంగా ఉప్పల వెంకటేష్‌ మాట్లాడుతూ తుల్జా భవానీ ఆలయ నిర్మాణానికి తన ఉప్పల చారిటబుల్‌ ట్రస్ట్‌ ద్వారా తన వంతు సహాయం అందిస్తానని తండా ప్రజలకు ఇచ్చిన హామీని నెరవేర్చుకుంటున్నట్టు తెలిపారు. పాతకోట తండా గ్రామ పంచాయతీకి ఉప్పల చారిటబుల్‌ ట్రస్ట్‌ చైర్మన్‌ ఉప్పల వెంకటేష్‌ జడ్పీటీసీ తలకొండపల్లి తన జడ్పీటీసీ నిధుల నుంచి రూ. 3 లక్షలు అండర్‌ డ్రయినేజీ నిర్మాణ పనులకు ప్రొసీడింగ్‌ కాపీీ పాతకోట తండా సర్పంచ్‌ అలివేలు జీర్యా నాయక్‌కు అందజేశారు. ఈ కార్యక్రమంలో పడమటి తండా సర్పంచ్‌ బుజ్జి కృష్ణ నాయక్‌, సర్పంచ్‌ అలివేలు జీర్యా నాయక్‌, మాజీ సింగిల్‌ విండో డైరెక్ట్‌ పాండు నాయక్‌, దేవానంద్‌ నాయక్‌, రాము నాయక్‌, క్రిష్ణ నాయక్‌,గోపి నాయక్‌, కొర్ర తావుర్య నాయక్‌, కొర్ర రాజేష్‌ నాయక్‌ ,తండా పెద్ద ప్రజలు తదితరులు పాల్గొన్నారు.
