- ప్రధానోపాధ్యాయులు శ్రీనివాస్‌
నవతెలంగాణ-షాబాద్‌
         వైజ్ఞానిక ప్రదర్శనలు విద్యార్థుల్లో దాగివున్న ప్రతిభను వెలికి తీసేందుకు దోహదపడుతాయని పోతుగల్‌ ఉన్నత పాఠశాల హెచ్‌ఎం శ్రీనివాస్‌ అన్నారు. శుక్రవారం మొయినాబాద్‌ మండలం అజీజ్నగర్‌ ఉన్నత పాఠశాలలో సైన్స్‌ ఫేర్‌లో షాబాద్‌ మండలం పోతుగల్‌, ఎంపీపీ ఎస్‌. వెంకమ్మగూడ, ఎంపీపీ ఎస్‌ తిమ్మారెడ్డి గూడా పాఠశాల విద్యార్థులు పాల్గొని తమ ప్రతిభను చాటారు. సైన్స్‌ ఫెయిర్‌లో ప్రతిభ చాటిన ద్వితీయ, తృతీయ బహుమతులు సాధించిన విద్యార్థులను తిమ్మారెడ్డి కూడా సర్పంచ్‌ శకుంతల పాండులు అభినందించారు. ఈ సందర్భంగా హెచ్‌ఎం శ్రీనివాస్‌ మాట్లాడుతూ... ప్రభుత్వ పాఠశాల విద్యార్థులు అన్ని రంగాల్లో రాణిస్తున్నారని తెలిపారు. ప్రయివేట్‌కు దీటుగా ప్రభుత్వ పాఠశాలల్లో అనుభవమున్న ఉపాధ్యాయులతో విద్య బోధిస్తున్నట్టు తెలిపారు.