- మాల మహానాడు జిల్లా అధ్యక్షులు మహేష్‌ మాల
నవతెలంగాణ-షాద్‌ నగర్‌
          సావిత్రిబాయి పూలే చేసిన సేవలు మరువలేనివని మాల మహానాడు జిల్లా అధ్యక్షులు మహేష్‌ మాల అన్నారు. సావిత్రి బాయి వర్థంతి సందర్భంగా ఆమె విగ్రహానికి పూలమాలలు వేసి, నివాళులర్పించారు. ఈ సందర్భంగా మహేష్‌ మాల మాట్లాడుతూ దేశంలో ఎన్నో విద్యాలయాలు నిర్మించి సమాజంలో స్త్రీ విద్యకు ఎంతో ప్రాధాన్యత కల్పించారని తెలిపారు. సమాజంలో ఎంతో మంది విద్య అభ్యసిస్తున్నారంటే ఆమె చేసిన త్యాగ ఫలితమేనని కొనియాడారు. ప్రతి ఒక్కరూ ఆమె ఆశయాలను,ఆలోచన విధానాలను నెరవేర్చేందుకు కృషి చేయాలని కోరారు. ఈ కార్యక్రమంలో మాల మహానాడు టౌన్‌ అధ్యక్షులు శ్రీను మాల, సుంకం నరసింహ, మల్లేష్‌, శేఖర్‌, అశోక్‌, అంజి, రాజు, రమేష్‌, బాలరాజు, వినోద్‌ తదితరులు పాల్గొన్నారు.