- చైర్మన్‌ విష్ణువర్ధన్‌ రెడ్డి సహకారం మరువలేనిది
- హర్షం వ్యక్తం చేసిన ముస్లిం సోదరులు
నవతెలంగాణ-వికారాబాద్‌ డెస్క్‌
మంబాపూర్‌ ఈద్గా ప్రార్థన మందిరం వద్ద బోర్‌ వేయించి నీటి సమస్యను తీర్చిన పెద్దేముల్‌ సొసైటీ చైర్మన్‌ ద్యావరి విష్ణువర్ధన్‌ రెడ్డి సహకారం మరు వలేనిదని సర్పంచ్‌ శ్రావణ్‌కుమార్‌ తెలిపారు. శుక్రవారం మండల పరిధిలోని మంబాపూర్‌ ఈదుగా ప్రార్థన వద్ద పెద్దేముల్‌ రైతు సేవ సహకార సంఘం చైర్మన్‌ ద్యావరి విష్ణువర్ధన్‌ రెడ్డి సౌజన్యంతో బోర్‌ వేయించారు. బోర్‌లో నీళ్లు పుష్కలం రావడంతో ముస్లిం మైనార్టీలు హర్షంవ్యక్తం చేశారు. గతంలో రెండు బోర్లు వేసిన నీళ్లు పడకపోవడంతో ఇబ్బందులు ఎదుర్కొన్నామని ఆవేదన వ్యక్తం చేశారు. బీఆర్‌ఎస్‌ మండల మాజీ అధ్యక్షులు నారాయణరెడ్డి బోరుకు బోరు మోటర్‌ ఇప్పిస్తానని హామి ఇచ్చారు. ఇదిగ దగ్గర నీటి సమస్యను వెంటనే పరి ష్కరించిన చైర్మన్‌ విష్ణువర్ధన్‌రెడ్డికి, నారాయణరెడ్డికి మైనార్టీ ముస్లిం సో దరులు కృతజ్ఞతలు తెలిపారు. కార్యక్రమంలో మాజీ ఉపసర్పంచ్‌ ముజీబ్‌, ఖలీల్‌, మైనార్టీలుమైపూస్‌, సయ్యద్‌, ఇబ్రహీం, గౌస్‌, అలీ తదితరులు పాల్గొన్నారు.
