- సీనియర్‌ జర్నలిస్టు విజరు కుమార్‌
- నాగన్‌పల్లిలో ఎన్‌ఎస్‌ఎస్‌ యూనిట్‌ -1 శిక్షణా శిబిరం
నవతెలంగాణ-రంగారెడ్డి ప్రతినిధి
అమ్మాయిల అన్ని రంగాల్లో ముందంజలో ఉండాలని సీనియర్‌ జర్నలిస్టు జీ.వీ.ఎల్‌ విజయ్‌ కుమార్‌ అన్నారు. సోమవారం ఇబ్రహీంపట్నం మండల పరిధిలోని నాగన్‌పల్లిలో పర్యావరణ పరిరక్షణ మొక్కల పెంపకం ఆవశ్యకత అనే కార్యక్రమాన్ని చేపట్టారు. ఇందులో భాగంగానే విద్యార్థులు గ్రామంలో మొక్కల దగ్గర పాదులు తీసి, నీటిని పోయడం, కలుపు మొక్కలు తీయడం, ప్లాస్టిక్‌ వ్యర్థాలను ఏరివేయడం, ప్రజల్లో పర్యావరణ అవగాహన కల్పించడం తదితర కార్యక్రమాలను చేశారు. అనంతరం శిక్షణా శిబిరానికి సీనియర్‌ జర్నలిస్టు విజరుకుమార్‌ హాజరై మాట్లాడారు. విద్య ద్వారా వచ్చే అవకాశాలను అందిపుచ్చకుని సమాజం లో ముందంజలో అమ్మాయిల ఉండాలని అన్నారు. పర్యా వరణ గురించి అవగాహన కల్పించారు. ఈ కార్యక్రమంలో ఎన్‌ఎస్‌ఎస్‌ యూనిట్‌ ఇన్‌ఛార్జి అనితారాణి, సర్పంచ్‌ జగన్‌, విద్యార్థులు, తదితరులు పాల్గొన్నారు.
