- వేలాది మంది తరలి వచ్చిన భక్తులు
నవతెలంగాణ- శంషాబాద్‌
శ్రీరామనవమి పర్వదినంలో భాగంగా శంషాబాద్‌ మండల పరిధిలోని అమ్మపల్లి శ్రీ సీతారామచంద్రస్వామి దేవస్థానంలో గురువారం దేవాదాయ ధర్మాదాయ శాఖ అధికారి రామ శర్మ ఆధ్వర్యంలో శ్రీ సీతారాముల కల్యాణోత్సవం అత్యంత వైభవంగా కన్నుల పండుగగా జరిగింది. ఆలయం ఎదురుగా ఉన్న కల్యాణ మండపంలో నిర్వహించిన సీతారాముల కల్యాణం తిలకించడానికి నగరం నలుమూలల నుంచి మండల పరిధిలోని వివిధ గ్రామాల ప్రజలు, చుట్టుపక్కల మండలాలకు చెందిన ప్రజ లు పెద్ద ఎత్తున పాల్గొన్నారు. సీతారాముల కల్యాణం ఆలయ అర్చకులు అన్వేష్‌ శర్మ బృందం ఆధ్వర్యంలో నిర్వ హించారు. ఈ మహౌత్సవానికి రంగారెడ్డి జిల్లా పరిషత్‌ చైర్‌పర్సన్‌ తీగల అనిత రెడ్డి, రాజేంద్రనగర్‌ నియోజకవర్గం శాసనసభ్యులు టి .ప్రకాష్‌ గౌడ్‌ , ఎంపీ రంజిత్‌ రెడ్డి, మాజీ ఎంపీ విజయశాంతి, పి. కార్తీక్‌ రెడ్డి శంషాబాద్‌ జడ్పీటీసీ నీరటి తన్విరాజు ముదిరాజ్‌ పాల్గొన్నారు. భక్తుల సౌకర్యార్థం అన్నదానం , తాగునీటి సౌకర్యం ఏర్పాటు చేశారు. ఆర్కన్‌ హాస్పిటల్స్‌ సౌజన్యంతో ఉచిత హెల్త్‌ క్యాంప్‌ నిర్వహించారు. శాంతి భద్రతలకు విఘాతం కలగకుండా శంషాబాద్‌ జోన్‌ డీసీపీ ఆదేశాల మేరకు శంషాబాద్‌ సర్కిల్‌ ఇన్‌స్పెక్టర్‌ శ్రీధర్‌కుమార్‌ పర్యవేక్షణలో ప్రత్యేక బందోబస్తు నిర్వహించారు. ఈ కార్యక్రమంలో ఆలయ వ్యవస్థాపక ధర్మకర్త వినోద్‌ కుమార్‌ రావు, నర్కూడ సర్పంచ్‌ సునిగంటి సిద్దులు, నర్కూడ ఉప సర్పంచ్‌ గడ్డం శేఖర్‌ యాదవ్‌, ఎంపీటీసీ తొంట గౌతమి అశోక్‌, మున్సిపల్‌ చైర్‌పర్సన్‌ సుష్మ మహేందర్‌రెడ్డి, మల్కారం పీఎసీఎస్‌ చైర్మెన్‌ బూర్కుంట సతీష్‌, బుక్క వేణుగోపాల్‌, తోకల శ్రీనివాస్‌రెడ్డి , గోడల వెంకటేష్‌ గౌడ్‌, చంద్రారెడ్డి, చౌదర్‌ గూడ సర్పంచ్‌ కటికల రాజ్‌ కుమార్‌, కవ్వగూడ సర్పంచ్‌ డి. రమేష్‌యాదవ్‌, ఆలయ కమిటీ ధర్మకర్తలు సందనవెళ్లి శ్రీనివాస్‌, గుండాల లావణ్య విశ్వనాథం, నీరటి కృష్ణ , నీరటి అశోక్‌ , మాలతి చంద్రశేఖర్‌, వార్డు సభ్యులు టీ. కుమార్‌ గౌడ్‌, పర్వతం వినోద్‌, బి. యాదగిరి, నీరటి మహేష్‌, ఎస్‌ఎంసీ చైర్మన్‌ లింగం శ్రీశైలం, ఎన్‌. కుమార్‌ యాదవ్‌, నీరటి శేఖర్‌, బూర్కుంట గోపాల్‌, హీరేకార్‌ శివాజీ, పర్వతంటిల్లు , మెండే కుమార్‌ పాల్గొన్నారు.
