- ఎమ్మెల్యే గుర్క జైపాల్‌ యాదవ్‌,ఎమ్మెల్సీ గోరటి వెంకన్న
- సంగాయిపల్లిలో అంబేద్కర్‌ విగ్రహావిష్కరణ
నవతెలంగాణ-ఆమనగల్‌
డాక్టర్‌ బీఆర్‌ అంబేద్కర్‌ను యువత ఆదర్శంగా తీసుకోవాలని ఎమ్మెల్యే గుర్క జైపాల్‌ యాదవ్‌, ఎమ్మెల్సీ గోరటి వెంకన్న అన్నారు. తలకొండపల్లి మండలంలోని సంగాయిపల్లి గ్రామంలో ఆదివారం రాత్రి పూలే అంబేద్కర్‌ జ్ఞాన జాతర వ్యవస్థాపక అధ్యక్షులు జి.సుధాకర్‌ ఆధ్వర్యంలో అంబేద్కర్‌ విగ్రహావిష్కరణ కార్యక్రమం నిర్వహించారు. ఈ కార్యక్రమానికి ముఖ్య అతిథులుగా ఎమ్మెల్యే జైపాల్‌ యాదవ్‌, ఎమ్మెల్సీ గోరటి వెంకన్న, జాతీయ బీసీ కమిషన్‌ మాజీ సభ్యులు తల్లోజు ఆచారి, అంతర్జాతీయ మానవ హక్కుల సంఘం పాల్‌ దివాకర్‌ తదితరులు హాజరై విగ్రహా విష్కరణ చేశారు. అనంతరం వారు మాట్లాడాతూ ప్రపంచ మేధావి భారత రాజ్యాంగ నిర్మాత డాక్టర్‌ బాబాసాహెబ్‌ అంబేద్కర్‌ ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.ఈ కార్యక్రమంలో జడ్పీటీసీ ఉప్పల వెంక టేష్‌, ఎంపీపీ తిరుమణినిర్మల శ్రీశైలంగౌడ్‌, జడ్పీ కోఆప్షన్‌ సభ్యులు ముజీబురహ్మాన్‌, సర్పంచ్‌ లలిత జ్యో తయ్య, బీఎస ్‌యూ రాష్ట్ర కార్యదర్శి కొమ్ము తిరుపతి, దళిత సంఘం రాష్ట్ర నాయకులు రాజు, పోలీస్‌ డైరెక్టర్‌ రజిత, ఎస్‌ఐ వెంకటేష్‌, కల్వకుర్తి మున్సిపల్‌ చైర్మెన్‌ ఎడ్మ సత్యం, అంబేద్కర్‌ పూలే జిల్లా అధ్యక్షులు శంకర్‌, బహుజన శ్రామిక యూనియన్‌ జిల్లా కార్యదర్శి జోగు రమేష్‌, మాజీ ఎంపీపీ లక్ష్మీదేవి రఘు రాములు, మాజీ ఎంపీటీసీ యాదయ్య, ఆయా గ్రామాల సర్పంచ్లు, ఎంపీటీసీలు, స్థానిక నాయకులు పాల్గొన్నారు.
