నవతెలంగాణ-కేశంపేట
మహాత్మ జ్యోతిరావు పూలే జయంతి వేడుకలను, కేశంపేట మండలంలో మంగళవారం ఘనంగా నిర్వహించారు.మండల పరిషత్‌ కార్యాలయ ఆవరణలో నిర్వహించిన కార్యక్రమానికి ముఖ్యఅతిథిగా స్త్రీ శిశు సంక్షేమ శాఖ స్టాండింగ్‌ కమిటీ చైర్‌పర్సన్‌, జడ్పీటీసీ తాండ్ర విశాల శ్రావణ్‌ రెడ్డి హాజరై జ్యోతి రావు పూలే చిత్రపటానికి పూలమాలలు వేసి ఘన నివాళులర్పించారు. తహసీల్దార్‌ కార్యాలయ ఆవరణలో తహసీల్దార్‌ ఆజం ఆలీ జ్యోతిరావు పూలే చిత్రపటానికి పూలమాలవేసి నివాళులర్పించారు. ఈ కార్యక్రమంలో ఎంపీడీవో రవిచంద్ర కుమార్‌ రెడ్డి, ఉపతహసీల్దార్‌ ఆనంద్‌రావు, కేశంపేట, కొత్తపేట సర్పంచులు తలసాని వెంకట్‌రెడ్డి, నవీన్‌ కుమార్‌, ఎంపీటీసీ మల్లేష్‌ యాదవ్‌, మండల కో-ఆప్షన్‌ సభ్యులు జమాల్‌ ఖాన్‌, మండల పరిషత్‌, రెవెన్యూ సిబ్బంది, ఏపీఎం భగవంతు, శ్రావణ రెడ్డి, రవీందర్‌ రెడ్డి, శ్రీనివాస్‌, జావేద్‌, మంచే కృష్ణయ్యలతోపాటు తదితరులు పాల్గొన్నారు.
