- గార్డెన్‌ ఫెస్టివల్లో 25 అవార్డులు గెలుచుకున్న హెచ్‌ఎండీఏ
- 13 ఫస్ట్‌ ప్రైజులు, 12 సెకండ్‌ ప్రైజులు
- నేడు పబ్లిక్‌ గార్డెన్‌లో అవార్డుల ప్రదానం
- హాజరుకానున్న వ్యవసాయ శాఖ మంత్రి నిరంజన్‌ రెడ్డి
నవతెలంగాణ- రంగారెడ్డి ప్రాంతీయ ప్రతినిధి
హెచ్‌ఎండీఏకు అవార్డుల పంట పండింది. రాష్ట్ర ఉద్యానవన శాఖ ఏడోవ గార్డెన్‌ ఫెస్టివల్లో హైదరబాద్‌ మెట్రోపాలిటన్‌ డెవలప్‌మెంట్‌ అథారిటీ(హెచ్‌ఎండీఏ) ఏకంగా 25 అవార్డులు గెలుచుకున్నది. శనివారం పబ్లిక్‌ గార్డెన్‌ సెంట్రల్‌ హాల్‌లో జరిగే అవార్డుల ప్రదానం కార్యక్రమంలో వ్యవసాయ శాఖ మంత్రి నిరంజన్‌ రెడ్డి , హెచ్‌ఎండీఏ అర్బన్‌ ఫారెస్ట్‌ డైరెక్టర్‌ డాక్టర్‌ బి. ప్రభాకర్‌కు అవార్డులను అందజేయనున్నారు. రాష్ట్ర ఉద్యానవన శాఖ అవార్డులకు హెచ్‌ఎండీఏ పార్కులు ఎంపిక కావడంపై మున్సిపల్‌ శాఖ స్పెషల్‌ చీఫ్‌ సెక్రటరీ, మెట్రోపాలిటన్‌ కమిషనర్‌ అర్వింద్‌ కుమార్‌ గురువారం ఒక ప్రకటనలో అర్బన్‌ ఫారెస్ట్రి డైరెక్టర్‌ ప్రభాకర్‌తో పాటు సిబ్బందికి అభినందనలు తెలిపారు.
