- చేవెళ్ల ఎమ్మెల్యే కాలే యాదయ్య
నవతెలంగాణ-చేవెళ్ల
డాక్టర్‌ బీఆర్‌ అంబేద్కర్‌ అడుగుజాడల్లో ప్రతి ఒక్కరూ నడవాలని చేవెళ్ల ఎమ్మెల్యే కాలే యాదయ్య అన్నారు. శుక్రవారం బాబా సాహెబ్‌ అంబేద్కర్‌ 132 జయంతిని పురస్కరించుకుని చేవెళ్ల మండల కేంద్రంలో ఆయన విగ్రహానికి పూలమాలలు వేసి ఘనంగా నివాళులర్పించారు. ఈ సందర్బంగా వారు మాట్లాడుతూ దళితులు, మహిళలు, కార్మికుల హక్కుల కోసం అలుపెరుగని పోరాటం చేసిన యోధుడని అన్నారు. ఈ కార్యక్రమానికి చేవెళ్ల ఎంపీపీ మల్గారి విజయలక్ష్మి రమణారెడ్డి, జడ్పీటీసీ సభ్యురాలు మాలతి కృష్ణారెడ్డి, మాజీ ఎంపీపీ మంగలి బాల్‌రాజ్‌, వైస్‌ ఎంపీపీ కర్నె శివప్రసాద్‌, చేవెళ్ల గ్రామ సర్పంచ్‌ బండారు శైలజా ఆగిరెడ్డి, చేవెళ్ల పీఎసీఎస్‌ చైర్మెన్‌ దేవర వెంకట్‌ రెడ్డి, స్థానిక ఎంపీటీసీ సభ్యులు గుండాల రాములు, సున్నపు వసంతం, చేవెళ్ల గ్రామ ఉపసర్పంచ్‌ గంగి యాదయ్య, సీపీఐ సీనియర్‌ నాయకులు రామస్వామి, అయా గ్రామాల సర్పంచ్‌ లు, ఎంపీటీసీలు, నాయకులు, అంబేద్కర్‌ యూత్‌ సభ్యులు తదితరులు పాల్గొన్నారు.
