నవతెలంగాణ-ఆమనగల్‌
ఆమనగల్‌ పట్టణంలో అంబేద్కర్‌ యువజన సంఘం అధ్యక్షులు వగ్గు మహేష్‌ ఆధ్వర్యంలో శుక్రవారం భారత రాజ్యాంగ నిర్మాత డాక్టర్‌ బాబాసాహెబ్‌ అంబేద్కర్‌ జయంతి వేడుకలను ఘనంగా నిర్వ హించారు. ఈసందర్భంగా మండల పరిషత్‌ కార్యాలయం ఆవరణలో ఉన్న డాక్టర్‌ బీఆర్‌ అంబేద్కర్‌ విగ్రహానికి పూలమాలలు వేసి నివాళులర్పించారు. అనంతరం పట్టణంలో జై భీమ్‌ నినాదాలతో హౌరెత్తిస్తూ బైక్‌ ర్యాలీ నిర్వహించారు. ఈసందర్భంగా పలువురు నాయకులు, ప్రజా ప్రతినిధులు మాట్లాడుతూ సమాజంలోని ప్రతి ఒక్కరూ అంబేద్కర్‌ ఆశయ సాధనకు కృషి చేయాలని పిలుపునిచ్చారు. ఈ కార్యక్రమంలో జడ్పీటీసీ సభ్యులు నేనావత్‌ అనురాధ పత్య నాయక్‌, ఎంపీపీ నేనావత్‌ అనిత విజరు, డీసీసీబీ డైరెక్టర్‌ గంప వెంకటేష్‌ గుప్తా, వైస్‌ ఎంపీపీ జక్కు అనంత్‌రెడ్డి, ఆయా గ్రామాల ఎంపీటీసీలు, సర్పంచ్లు, కౌన్సిలర్లు, మార్కెట్‌ డైరెక్టర్లు, అంబేద్కర్‌ యువజన సంఘం గౌరవ అధ్యక్షులు దేవేందర్‌, ప్రధాన కార్యదర్శి ఎనుముల రమేష్‌, ప్రచార కార్యదర్శి అబ్దుల్‌ హఫీజ్‌, కార్యవర్గ సభ్యులు నరేందర్‌, పవన్‌, నీరటి రాజు, రంజిత్‌, పలు పార్టీల, విద్యార్థి సంఘాల నాయకులు పాల్గొన్నారు.
