నవతెలంగాణ-మొయినాబాద్‌
మొయినాబాద్‌ మండల కేంద్రంలో డాక్టర్‌ బీ.ఆర్‌ అంబేద్కర్‌ 132వ జయంతి వేడుకలు శుక్రవారం ఘనంగా నిర్వహించారు. ఈ సందర్భంగా సీపీఐ మండల కార్యదర్శి కె. శ్రీనివాస అధ్యక్షతన జరిగిన కార్యక్రమంలో తెలంగా రాష్ట్ర రైతు సంఘం ఉపాధ్యక్షులు ఎం. ప్రభులింగం, సీపీఐ చేవెళ్ల నియోజకవర్గ కన్వీనర్‌ కె. రామస్వామి, ఏఐటీసీ జిల్లా కార్యదర్శి వడ్ల సత్యనారాయణ కలిసి అంబేద్కర్‌ విగ్రహానికి పూలమాలలు వేసి,ఘనంగా నివాళులర్పించారు. ఈ కార్యక్రమంలో తెలంగాణ రాష్ట్ర రైతు సంఘం కౌన్సిల్‌ సభ్యులు మల్కాన్‌ సుధాకర్‌గౌడ్‌, సీపీఐ నాయకులు బి.సుభాన్‌రెడ్డి, శంకర్‌పల్లి మండల కార్యదర్శి పి.సుధీర్‌, నాయకులు జలీల్‌, శ్రీ శ్యాంసుందర్‌, నరేందర్‌, శేఖర్‌, శివయ్య, సీపీఐ చేవెళ్ల మండల కార్యదర్శి సత్తిరెడ్డి,కార్యకర్తలు పాల్గొన్నారు.
టీడీపీ ఆధ్వర్యంలో అంబేద్కర్‌ జయంతి వేడుకలు
భారత రాజ్యాంగ నిర్మాత భారతరత్న డాక్టర్‌ బి.ఆర్‌ అంబేద్కర్‌ 132వ జయంతి వేడుకలు శుక్రవారం ఘనంగా నిర్వహించారు. చేవెళ్ల పార్లమెంటు నియోజకవర్గ అధ్యక్షులు గూడెం సుభాష్‌ యాదవ్‌, ప్రధాన కార్యదర్శి కొమ్మిడి వెంకట్‌ రెడ్డి, తాండూరు నియోజకవర్గ ఇన్‌చార్జి సూరజ్‌ సింగ్‌ ఠాగూర్‌ కలిసి, మొయినాబాద్‌ మండల కేంద్రంలో ప్రభుత్వాస్పత్రి సమీపంలో ఉన్న అంబేద్కర్‌ విగ్రహానికి పూలమాలలు వేసి, నివాళులర్పించారు. ఈ కార్యక్రమంలో ఎల్గని యాదయ్య గౌడ్‌, భిక్షపతి యాదవ్‌, షాబాద్‌ ప్రవీణ్‌, బుర్రకాయల వెంకటేష్‌ ముదిరాజ్‌, పంచలింగాల రాఘవరెడ్డి, బంది నరహరి, కొమ్మిడి ఇంద్రారెడ్డి, వడ్ల శ్రీనివాస్‌ చారి, బేగరి శ్రీనివాస్‌, షరీఫ్‌, మూర్తి, రాజు గౌడ్‌, ప్రవీణ్‌, కనగళ్ల రాజు, తొలకట్ట సత్యనారాయణ, నరేష్‌ పాల్గొన్నారు.
