- ప్రగతి శిల ప్రజాస్వామ్య విద్యార్థి సంఘం జిల్లా ప్రధాన కార్యదర్శి ఖానాపురం రాజేష్‌
నవతెలంగాణ-చేవెళ్ల
విప్లవ ఉద్యమ వీరుడు కామ్రేడ్‌ జార్జిరెడ్డి అని ప్రగతి శిల ప్రజాస్వామ్య విద్యార్థి సంఘం జిల్లా ప్రధాన కార్యదర్శి ఖానాపురం రాజేష్‌ అన్నారు. శుక్రవారం కామ్రేడ్‌ జార్జ్‌ రెడ్డి 51 వర్థంతి సందర్భంగా చేవెళ్ల మండల కేంద్రంలోని అంబేద్కర్‌ భవన్‌లో జార్జిరెడ్డిి 51వ వర్థంతి సభ నిర్వహించారు. ఈ సందర్బంగా రాజేష్‌ మాట్లాడుతూ...నూతన శాస్త్రీయ విద్యా- నవ సమాజం నిర్మాణానికి విద్యార్థి, యువతరాన్ని విప్లవ ఉద్యమాలకు పురుడు పోసిన వ్యక్తి కామ్రేడ్‌ జార్జిరెడ్డి అని కొనియాడారు. కుల మతోన్మాదులను తరిమికొట్టి, పిడి ఎస్‌యూ విద్యార్థి నేత, యూనివర్సిటీ గోల్డ్‌ మెడలిస్ట్‌, హైదరాబాద్ చేగువేరా, ఉస్మానియా అరుణతార కామ్రేడ్‌ జార్జిరెడ్డి ఆశయాల సాధనకోసం ప్రతి ఒక్కరూ పోరాడుదామన్నారు. ఈ కార్యక్రమంలో పీడీఎస్‌యూ డివిజన్‌ అధ్యక్షుడు కోజ్జంకి జైపాల్‌, కార్యదర్శి బొజ్జి శ్రీకాంత్‌, మల్లేపల్లి సురేష్‌, న్యాలట అశోక్‌, అనిల్‌, రమేష్‌, తదితరులు పాల్గొన్నారు.
