- పలువురు వక్తలు
- ఎర్రవల్లిలో అంబేద్కర్‌ విగ్రహావిష్కరణ
- పాల్గొన్న సీపీఐ (ఎం) రాష్ట్ర కార్యదర్శి వర్గ సభ్యులు నరసింహారావు, ఎమ్మెల్యే మెతుకు ఆనంద్‌, మాజీ మంత్రి గడ్డం ప్రసాద్‌
నవతెలంగాణ-వికారాబాద్‌ ప్రతినిధి
అంబేద్కర్‌ ఆశయ సాధనకు ప్రతి ఒక్కరూ కృషి చేయాలని పలువురు వక్తలు సూచించారు. వికారాబాద్‌ మండలం ఎర్రవల్లి గ్రామంలో అంబేద్కర్‌ విగ్రహాన్ని మం గళవారం ఆవిష్కరించారు. ఈ కార్యక్రమానికి సీపీఐ(ఎం) రాష్ట్ర కార్యదర్శి వర్గ సభ్యులు డిజి నరసింహారావుతో పాటు స్థానిక శాసనసభ్యులు మెతుకు ఆనంద్‌, మాజీ మంత్రి గడ్డం ప్రసాద్‌కుమార్‌ హాజరయ్యారు. ఈ సందర్భంగా డిజి నరసింహారావు మాట్లాడుతూ అంబేద్కర్‌ ఆశయ సాధన కోసం ప్రతి ఒక్కరూ కృషి చేయాలన్నారు. బడుగు, బలహీన వర్గాల అభ్యున్నతి కోసం నిరంతరం కృషి చేసిన మహానుభావుడు అంబేద్కర్‌ అని ఆయన కొనియాడారు. ఎమ్మెల్యే మెతకు ఆనంద్‌ మాట్లాడుతూ ప్రపంచ మేధావి అంబేద్కర్‌ అడుగు జాడల్లో మనమంతా నడవాలని అన్నారు. మాజీ మంత్రి ప్రసాద్‌కుమార్‌ మాట్లాడుతూ భారత రాజ్యాంగాన్ని రచించి ప్రతి ఒక్కరికీ రిజర్వేషన్లు అందించిన మహా మహానుభావుడు అంబేద్కర్‌ అని కొనియాడారు. బీఆర్‌ఎస్‌ యువ నాయకులు వడ్ల నందు అంబేద్కర్‌ విగ్రహానికి పూలమాలలు వేసి నివాళి అర్పించారు. ఈ కార్యక్రమంలో సీపీఐ(ఎం) జిల్లా కార్యదర్శి పిల్లారం మల్లేష్‌, దళిత సంఘాల నేతలు జగదీష్‌, రామ్‌చందర్‌, గ్రామ పెద్దలు జాఫర్‌, వివిధ గ్రామాల ప్రజలు పాల్గొన్నారు.
