నవతెలంగాణ - హుస్నాబాద్ రూరల్
పొట్లపల్లి గ్రామంలో గంగిశెట్టి మధురమ మెమోరియల్ ట్రస్ట్ ఆధ్వర్యంలో వందమంది నిరుపేద మహిళలకు చీరలను పంపిణీ చేశారు. ఈ సందర్భంగా ట్రస్టు నిర్వాహకులు జగదీశ్వర్ మాతృ మూర్తి జ్ఞాపకార్థం ప్రతి సంవత్సరం పొట్లపల్లి గ్రామంలో విద్యార్థులకు బుక్స్, పెన్నులు, ప్లేట్స్, బ్యాగులు అందించడం జరుగుతుందన్నారు. ఈ కార్యక్రమంలో గ్రామ సర్పంచ్ సుశీల హుస్నాబాద్ మండల వైస్ ఎంపీపీ నిర్మల నర్సింహారెడ్డి, బిఆర్ఎస్ హుస్నాబాద్ మండలం బీసీ సెల్ ప్రధాన కార్యదర్శి శ్యాంసుందర్ గౌడ్, గ్రామ పాలకవర్గ సభ్యురాలు సిహెచ్ కవిత, సామాజిక సేవకుడు కె రాజు పాల్గొన్నారు .
