- మండల స్థాయి సీఎం కప్ 2023ను ప్రారంభించిన కోహెడ ఎంపీపీ కొక్కుల కీర్తిసురేష్‌
నవతెలంగాణ - కోహెడ
క్రీడలు మానసిక ఉల్లాసాన్ని పెంపొందిస్తాయని ఎంపీపీ కొక్కుల కీర్తి సురేష్‌ అన్నారు. సోమవారం మండల కేంద్రంలోని సాంఫీుక సంక్షేమ గురుకుల బాలుర పాఠశాలలో మండలస్థాయి సీఎంకప్‌ ఆటల పోటీలను ఆమె ప్రారంభించారు. ఈ సందర్భంగా ఆమె మాట్లాడుతూ ఫుట్‌బాల్‌, కబడ్డీ, ఖోఖో, వాలీబాల్ ఆటల పోటీలను ఎమ్మెల్యే వొడితెల సతీష్‌కుమార్‌ ఆదేశాల మేరకు సీఎంకప్‌ 2023 మండల స్థాయిలో నిర్వహిస్తున్నట్లు తెలిపారు. సోమవారం ప్రారంభమై రేపటితో ముగుస్తుందని అలాగే మండలస్థాయి సెలక్షన్‌ కమిటీ ఆధ్వర్యంలో నిర్వహించబడుతుందన్నారు. మండల స్థాయి పోటీలలో యువతీ యువకులు పాల్గోని మంచి ప్రతిభ కనబరిచి జిల్లా స్థాయి వరకు వెల్లి మండలానికి మంచిపేరు తీసుకురావాలని సూచించారు. ఈ కార్యక్రమంలో ఎంపీడీవో మధుసూదన్‌, ఎంపీవో సురేష్‌, బీఆర్ఎస్ పార్టీ మండల అధ్యక్షుడు ఆవుల మహేందర్‌, రైతుబంధు కోఆర్డినేటర్‌ మండల అధ్యక్షుడు పెర్యాల రాజేశ్వర్‌రావు, పార్టీ సీనియర్‌ నాయకులు సురేష్‌, లోనె మల్లేషం, ఎస్సీ సెల్‌ అధ్యక్షుడు వేల్పుల శంకర్‌, వెంకటేశ్వరపల్లి గ్రామ సర్పంచ్ తోట భాగ్యలక్ష్మి ఆంజనేయులు, నాయకులు అన్నబోయిన బిక్షపతి, గ్రామపంచాయితి కార్యదర్శులు శోభ, నిహారిక, హెల్త్ వాలంటీర్లు మోహినోద్ధిన్‌, ఆశవర్కర్‌లు కవిత, పుష్ప, పీఈటీ రాజ్‌కుమార్‌, భాస్కర్‌రెడ్డి, శివాని, రాజు, పీఈడీ భరత్‌రెడ్డి, క్రీడాకారులు, తదితరులు పాల్గోన్నారు.
