నవ తెలంగాణ-గోవిందరావుపేట
రెండవ రోజు సీఎం కప్పు తెలంగాణ క్రీడ సంబురాలు కార్యక్రమం మంగళవారం మండల కేంద్రంలోని జిల్లా పరిషత్ ఉన్నత బాలికల పాఠశాలలో నిర్వహించారు. రెండవ రోజు మండల స్థాయి వాలీబాల్ పోటీలు పూర్తి అయినట్లు ఎంపీడీవో సత్యాంజనేయ ప్రసాద్ తెలిపారు. వాలీబాల్ విభాగంలో చల్వాయి ప్రథమ స్థానంలోనూ రాఘవపట్నం ద్వితీయ స్థానంలోనూ ముత్తాపూర్ తృతీయ స్థానంలోనూ రాణించినట్లు తెలిపారు. ఉదయం సీఎం కప్ క్రీడల చైర్మన్ మరియు ఎంపీపీ శ్రీనివాసరెడ్డి లాంచనంగా పోటీలను ప్రారంభించారు. పోటీల ముగింపు సందర్భంగా బహుమతి ప్రధానోత్సవానికి పలువురు స్ఫూర్తి దాతలు ముందుకు వచ్చినట్లు శ్రీనివాస్ రెడ్డి తెలిపారు. ఈ కార్యక్రమంలో మండల స్పెషల్ ఆఫీసర్ డిఆర్డిఓ నాగ పద్మజ తాసిల్దార్ అల్లం రాజకుమార్ ఎంఈఓ గొంది దివాకర్ ఎంపిఓ సాజిదా బేగం ఎంపిటిసిలు సర్పంచులు మరియు పిఈటిలు సురేందర్ ఆదినారాయణ దీప్తి కృష్ణ తదితరులు పాల్గొన్నారు.