నవతెలంగాణ-గోవిందరావుపేట
నేటి నుండి మండల వ్యాప్తంగా ఈనెల 23 వరకు అన్ని గ్రామ పంచాయతీలలో ప్రత్యేక పారిశుధ్య కార్యక్రమాలను నిర్వహిస్తున్నట్లు ఎం పి ఓ సాజిదా బేగం తెలిపారు. మంగళవారం మండల కేంద్రంలోని మండల పరిషత్ కార్యాలయంలో ఎంపీ ఓ సాజిదా బేగం మాట్లాడారు. రాష్ట్ర ప్రభుత్వ మరియు జిల్లా కలెక్టర్ ఆదేశానుసారం జిల్లా పంచాయతీరాజ్ శాఖ ఆధ్వర్యంలో ఈ పారిశుద్ధ్య వారోత్సవాలను నిర్వహిస్తున్నట్లు తెలిపారు. ప్రతి గ్రామ పంచాయతీలో ప్రతిరోజు డ్రైనేజీలు క్లీన్ చేయడం పిచ్చి మొక్కలు తీసివేయడం వంటి ఏదో ఒక రకమైన పారిశుధ్య కార్యక్రమాలను ప్రతిరోజు నిర్వహిస్తుంటారని అన్నారు. ప్రజలు ప్రజా ప్రతినిధుల భాగస్వామ్యంతో ఈ కార్యక్రమాన్ని విజయవంతంగా వారోత్సవాలను పంచాయితీ అధికారులు సిబ్బంది పాల్గొంటారని తెలిపారు. ఉన్నతాధికారులు కూడా ఎప్పటికప్పుడు కార్యక్రమాలను పరిశీలిస్తుంటారు కాబట్టి తప్పనిసరిగా ఈ వారోత్సవాలను నిబద్ధతతో విజయవంతంగా పూర్తి చేయాలని అన్నారు.