నవతెలంగాణ - అశ్వారావుపేట
నియోజకవర్గం కేంద్రం అయిన  అశ్వారావుపేట మండలం అల్లి గూడెం ఆదివాసి గిరిజన గ్రామంలో కాంగ్రెస్ హాత్ సే హాత్ జోడో యాత్రను మంగళవారం ఆ పార్టీ శ్రేణులు నిర్వహించారు. ఇందులో ముఖ్య అతిథిగా పాల్గొన్న టీపీసీసీ సభ్యురాలు,ములకలపల్లి జెడ్.పి.టి.సి సున్నం నాగమణి మాట్లాడారు.రాహుల్ గాంధీ  సందేశాన్ని కరపత్రాలు రూపంలో గడప గడపకు పంచడం మే ఈ కార్యక్రమం ఉద్దేశ్యం అన్నారు. కాంగ్రెస్ పార్టీ అధికారంలోకి వచ్చిన వెంటనే ఏకకాలంలో రైతులకు రూ. 2 లక్షలు రుణమాఫీ,పోడు భూములకు హక్కు పత్రాలు, రూ. 500లకే గ్యాస్ సిలిండర్, ఇందిరమ్మ ఇల్లు నిర్మాణానికి రూ.5 లక్షలు, ధరణి పోర్టల్ రద్దు, ఆరోగ్య శ్రీ పథకం రూ. 5 లక్షలు,రేషన్ షాపుల్లో 9 రకాల నిత్యవసర సరుకులు,ఇందిరమ్మ  రైతు భరోసా పథకం కింద సంవత్సరానికి ఎకరానికి రూ. 15 వేలు, అన్ని పంటలను గిట్టు బాటు ధరలతో కాంగ్రెస్ ప్రభుత్వం కొనుగోలు చేస్తుంది అన్నారు. ఈ కార్యక్రమంలో మండల అద్యక్షులు తుమ్మ రాంబాబు, కొరస బాబురావు, మొడియం ధర్మరాజు, మొడియం గోపాలస్వామి, నారం జ్యోతి, కొరస గీత, కొరస సూర్యచంద్రరావు, మొడియం జయ కుమార్, కొరస రోహిత్, కొరస రాహుల్, మొడియం రాజకుమార్ తదితరులు పాల్గొన్నారు.