నవతెలంగాణ-ఓయూ
బ్లైండ్‌ ఫుట్‌ బాల్‌ క్రీడలో రాణిస్తున్న క్రీడాకారులకు తమవంతు సహాయ సహకారాలు అందిస్తామని నగర డిప్యూటీ మేయర్‌ మోతె శ్రీలత హామీనిచ్చారు. యూకేలో జరగబోయే ఏషియా వరల్డ్‌ బ్లైండ్‌ ఫుట్‌ బాల్‌ పోటీలకు ఎంపికైన నాగ గేయని, జాతీయ పోటీలకు రాణిస్తున్న అఖిలేష్‌లను తార్నాకలోని తమ క్యాంపు కార్యాలయంలో బీఆర్‌ఎస్‌ కార్మిక విభాగం అధ్యక్షులు మోతె శోభన్‌ రెడ్డితో కలిసి శాలువా కప్పి సన్మానించారు. ఈ సందర్భంగా వారిని అన్నివిధాలా ప్రోత్సహిస్తున్న మహేందర్‌ రెడ్డిని అభినందించారు. తెలంగాణ ప్రాంతం నుంచి అంతర్జాతీయ స్థాయిలో రాణించే అవకాశం రావడం ఈ ప్రాంతానికి గర్వకారణ మని ప్రశంసించారు. బ్లైండ్‌ ఫుట్‌ బాల్‌ క్రీడాకారులకు ప్రభుత్వం తరపున తోడ్పాటు అందేలా కృషి చేస్తామని చెప్పారు.
మీ స్నేహితులకు రికమెండ్ చెయ్యండి
