నవతెలంగాణ-కల్చరల్‌
వై.ఎస్‌.ఆర్‌. చారిటబుల్‌ ట్రస్ట్‌, వైజమెన్‌ క్లబ్‌ ఆఫ్‌ సికింద్రాబాద్‌ సెంట్రల్‌ ఆధ్వర్యంలో శుక్రవారం శ్రీత్యాగరాయ గానసభలోని కళా సుబ్బారావు కళా వేదికపై రాబోయే ప్లవనామ సంవత్సరం సందర్భంగా ఉగాది కవి సమ్మేళనం నిర్వహించారు. అన్న పూర్ణ, దీప్తి సరోజిని, సుబ్బలక్ష్మి, దివ్య రెడ్డి తదితరులు తమ స్వీయ కవితలు చదివారు. ముఖ్య అతిథిగా విశ్వ సాహితీ అధ్యక్షులు జయ రాములు పాల్గొని మాట్లాడుతూ.. మహిళలల కవితల్లో వాస్తవిక ఉంటుందన్నారు. వై.యెస్‌.ఆర్‌. మూర్తి అధ్యక్షత వహించి మాట్లాడుతూ.. పండుగకు ప్రతీకలు స్త్రీ లేనని, అందుకే కవయిత్రుల సమ్మేళనం నిర్వ హించామని అన్నారు. గాయని వై. కామేశ్వరి తదితరులు పాల్గొన్నారు. దీప్తి సరోజిని, అర్చన, స్వాతి, ఆముద, నాగ లక్ష్మి ప్రదర్శించిన నృత్యాలు ఆకట్టుకున్నాయి.