నవతెలంగాణ-కూకట్‌పల్లి
కూకట్‌పల్లి సర్కిల్‌ ఆల్విన్‌ కాలనీ డివిజన్‌ పరిధిలోని ఎల్లమ్మ చెరువులో పేరుకుపోయిన గుఱ్ఱపు డెక్క కార ణంగా వృద్ధి చెందుతున్న దోమల బెడదతో ఇబ్బందులకు గురవుతున్న ప్రజలు స్థానిక ఎమ్మెల్యే అరికెపూడి గాంధీ, కార్పొరేటర్‌ దొడ్ల వెంకటేష్‌గౌడ్‌ ఫిర్యాదు చేశారు. ఈ మేరకు ఎమ్మెల్యే ఆదేశాలతో జీహెచ్‌ఎంసీ ఇంజినీరింగ్‌, ఎంటమాలజీ విభాగాల ఆధ్వర్యంలో శుక్రవారం గుర్రపు డెక్కను ఎల్లమ్మ చెరువులో ఇటాచీ సాయంతో 80 శాతం తొలగించారు. మరి కొన్ని రోజుల్లో పూర్తి స్థాయిలో గుర్రపు డెక్కను తొలగిస్తామని సంబంధిత జీహెచ్‌ఎంసీ అధికారులు తెలిపారు.
మీ స్నేహితులకు రికమెండ్ చెయ్యండి
