- సమాఖ్య చైర్మెన్‌ రాపోలు రాములు
నవతెలంగాణ-బోడుప్పల్‌
సమాజంలోని మూఢనమ్మకాలను పోగేట్టేందుకు విశేషంగా కషి చేసిన మహానుభావుడు కందుకూరి వీరేశలింగం పంతులు అని, ఆయన ఆదర్శమైన బాటలో ప్రతి ఒక్కరూ పయనించాలని బోడుప్పల్‌ కార్పొరేషన్‌ కాలనీ సంక్షేమ సంఘాల సమాఖ్య చైర్మెన్‌ రాపోలు రాములు పిలుపునిచ్చారు. శుక్రవారం బోడుప్పల్‌లో కందుకూరి వీరేశలింగం పంతులు జయంతి సందర్భంగా ఆయన చిత్రపటానికి పూల మాల వేసి నివాళి అర్పించారు. అనంతరం రాములు మాట్లాడుతూ సంఘంలో బాల్య వివాహాలు రూపుమాపి, వితంతు వివాహాలను ప్రోత్సహించారని తెలిపారు. వీరేశలింగం పంతులు అనేక నాటకాలు రచించి సమాజ అభ్యుదయం కోసం పోరాడిన మహానుభావుడు అని తెలిపారు. కార్యక్రమంలో ఫెడరేషన్‌ అధ్యక్షులు రాములు కలుకూరి, వర్కింగ్‌ ప్రెసిడెంట్‌ చెంచల నర్సింగ్‌ రావు, కోశాధికారి జి.చంద్రశేఖర్‌, చీఫ్‌ అడ్వైజర్‌ ఎడ్ల శ్రీనివాస్‌ రెడ్డి, యూత్‌ వింగ్‌ అధ్యక్షులు రాపోలు వెంకటేశ్వర రావు, సలహాదారులు వెంకట్రావు, వెంకటస్వామి, ఫెడరేషన్‌ నాయకులు పంగ రమేష్‌, రామకృష్ణారెడ్డి, యువజన నాయకులు పంగ సూర్యవర్ధన్‌, నగేష్‌, ప్రవీణ్‌ తదితరులు పాల్గొన్నారు.
