నవతెలంగాణ-నారాయణగూడ
పాతబస్తీ లాల్‌ దర్వాజ నివాసి, వెంకటరావు స్మారక ఉన్నత పాఠశాల కార్యదర్శిగా కొనసాగుతున్న మాడుగుల ప్రసాద్‌ రావును తెలంగాణ సిటిజన్స్‌ కౌన్సిల్‌ పాతబస్తీ అధ్యక్షుడిగా ఎన్నుకుని, నియామక పత్రాన్ని అందజేసి నట్లు కౌన్సిల్‌ రాష్ట్ర శాఖ అధ్యక్షులు డాక్టర్‌ రాజ్‌ నారాయణ్‌ ముదిరాజ్‌ శనివారం ఒక ప్రకటనలో తెలిపారు. పసాద్‌రావు గత 36 ఏళ్లుగా విద్యారంగంలో ప్రధానోపాధ్యాయులుగా ఎనలేని కషి చేసి పదవీ విరమణ పొందారన్నారు. పర్యావరణ పరిరక్షణ, శాంతి, జాతీయ సమైక్యత, మత సామరస్యం, ఉచిత వైద్య శిబిరాలు, విద్యార్థుల సంక్షేమ అభివద్ధికి కషి చేస్తూ ఎంతో సహాయ, సహకారాలు అందించారని గుర్తు చేశారు. పాతబస్తీ సంక్షేమ అభివద్ధి, ప్రజల సంక్షేమం కోసం కషి చేస్తూ పాతబస్తీని ఆదర్శవంతమైన బస్తీగా అభివద్ధి చేస్తానని ప్రసాద్‌ రావు హామీ ఇచ్చారు.ఈ కార్యక్రమంలో పాఠశాల డైరెక్టర్‌ మధుసూదన్‌, ఇండియన్‌ మెడికల్‌ అసోసియేషన్‌ రాష్ట్ర కార్యదర్శి డాక్టర్‌ ఎ.భరత్‌ ప్రకాష్‌, టీఆర్‌ఎస్‌ నాయకులు రాధాకష్ణ, కాంగ్రెస్‌ పార్టీ నాయకులు కె.వెంకటేష్‌, సురేష్‌ బాబు, రాజేందర్‌ ముదిరాజ్‌, కౌన్సిల్‌ సెక్రటరీ జనరల్‌ డాక్టర్‌ కె.పి.హేమంత్‌ కుమార్‌, పాఠశాల ఉపాధ్యాయులు సురేష్‌, సూర్యదేవ్‌ తదితరులు కలిసి ఆయనను శాలువా, మెమెంటోలతో సత్కరించారు.
