- అడిషనల్‌ కలెక్టర్‌ జాన్‌ శ్యాంసన్‌
పీర్జాదిగూడలో వ్యాక్సిన్‌ సెంటర్‌ ప్రారంభం
నవతెలంగాణ-బోడుప్పల్‌
ప్రజారోగ్యం పట్ల ఎప్పటికప్పుడు అప్రమత్తంగా ఉంటూ అర్హులైన వారికి కోవిడ్‌ వ్యాక్సిన్‌ అందేలా చూస్తున్నామని మేడ్చల్‌ జిల్లా అడిషనల్‌ కలెక్టర్‌ జాన్‌ శ్యాంసన్‌ అన్నారు. బుధవారం పీర్జాదిగూడ మున్సిపల్‌ కార్పొరేషన్‌ పరిధిలో స్థానిక నగర మేయర్‌ జక్కా వెంకట్‌ రెడ్డితో కలిసి రెండో వ్యాక్సిన్‌ సెంటర్‌ను ప్రారంభించారు. ఈసందర్భంగా ఆయన మాట్లాడుతూ పీర్జాదిగూడ కార్పొరేషన్‌లోని ప్రాథమిక ఆరోగ్య కేంద్రంలో ఏర్పాటు చేసిన వ్యాక్సిన్‌ సెంటర్‌లో ఎక్కువ మందికి టీకా ఇవ్వడానికి ఇబ్బందులు ఉన్నందున రెండో సెంటర్‌ను ఏర్పాటు చేసినట్లు తెలిపారు. మేయర్‌ మాట్లాడుతూ కార్పొరేషన్‌లో రెండో వ్యాక్సిన్‌ సెంటర్‌ ఏర్పాటుకు కృషి చేసిన మంతి మల్లారెడ్డికి, కలెక్టర్‌కు ప్రత్యేక ధన్యవాదాలు తెలిపారు. అనంతరం పీర్జాదిగూడలో ఏర్పాటు చేసిన ఐసోలేషన్‌ కేంద్రాన్ని సందర్శించి కరోనా బాధితుల ఆరోగ్య వివరాలను తెలుసుకున్నారు. కార్యక్రమంలో డీఎంహెచ్‌ఓ మల్లిఖార్జున్‌, కమిషనర్‌ శ్రీనివాస్‌, కార్పొరేటర్లు, డాక్టర్‌ అనిల్‌ పాల్గొన్నారు.
