నవతెలంగాణ-ఓయూ
సీతాఫల్‌మండిలో ఆశా వర్కర్స్‌కు సీతాఫల్‌ మండి కార్పొరేటర్‌ హేమ సామల అధ్వర్యంలో బుధవారం నిత్యావసర సరుకులు పంపిణీ చేశారు. ఈ కార్యక్ర మానికి ముఖ్య అతిథిగా డిప్యూటీ స్పీకర్‌ పద్మారావు గౌడ్‌ హాజరై ఆశా వర్కర్లకి నిత్యావసర సరుకులు అందజేశారు. ఈ సందర్భంగా ఆయన మాట్లాడుతూ ఆశా వర్కర్లకు అండగా నిలిచిన కార్పొరేటర్‌ హేమ సామల అభినందించారు. కరోనా సమయంలో కీలక పాత్ర పోషిస్తుంది ఆశా వర్కర్లు అని కొనియాడారు. అనంతరం హేమ సామల మాట్లాడుతూ ఆశా వర్కర్లకు సరుకులు పంపిణీ చేయడం ఆనందంగా ఉంది అన్నారు. కరోనా సమయంలో వారు చేస్తున్న సేవలు మరువలేనివని, వారికి ఎంత చేసినా తక్కువే అవుతుం దని తెలిపారు. వారికి, వారి కుటుంబాలకు అండగా ఉంటామని హామీ ఇచ్చారు. కార్యక్రమంలో టీఆర్‌ఎస్‌ నాయకులు సాయి, దుర్గాప్రసాద్‌, గౌతమ్‌, మహేష్‌, మహిళా నాయకులు పద్మ, అర్చన పాల్గొన్నారు.