- శేరిలింగంపల్లి ఎమ్మెల్యే ఆరెకపూడి గాంధీ
నవతెలంగాణ-కేపీహెచ్‌బీ
ప్రజల ప్రాణాలు కాపాడటమే ధ్యేయంగా సీఎం కేసీఆర్‌ పని చేస్తూ దేశానికి ఆదర్శంగా నిలుస్తున్నారని శేరిలింగంపల్లి ఎమ్మెల్యే ఆరెకపూడి గాంధీ అన్నారు. ఆదివారం హైదర్‌నగర్‌ డివిజన్‌ పరిధిలోని హెచ్‌ఎంటీ హిల్స్‌ కమ్యూనిటీ హాల్‌లో సూపర్‌ స్ప్రెడర్ల కోసం ఏర్పాటు చేసిన వ్యాక్సినేషన్‌ సెంటర్‌ను సందర్శించి అక్కడి ఏర్పాట్లను పరిశీలించారు. ఈసందర్భంగా ఆయన మాట్లాడుతూ కరోనా మహమ్మారిని ఎదుర్కొవడానికి దేశంలో ఎక్కడా లేని విధంగా రాష్ట్రంలో సీఎం కేసీఆర్‌ కృషి చేస్తున్నారన్నారు. ప్రజలకు ఎలాంటి ఇబ్బందులు లేకుండా వ్యాక్సినేషన్‌ కేంద్రాల్లో అన్ని రకాల మౌలిక వసతులు ఏర్పాటు చేశామన్నారు. సూపర్‌ స్ప్రెడర్లను గుర్తించి వారికి ప్రత్యేక కూపన్లు అందించి వ్యాక్సినేషన్‌ కార్యక్రమాన్ని కొనసాగించాలని అధికారులకు తెలియజేశారు. కార్యక్రమంలో జోనల్‌ కమిషనర్‌ మమత, డీసీ ప్రశాంతి, ఏఎంహెచ్‌ఓ చంద్రశేఖర్‌రెడ్డి, కార్పొరేటర్లు నార్నే శ్రీనివాస్‌రావు, దొడ్ల వెంకటేష్‌గౌడ్‌ నాయకులు పోతుల రాజేందర్‌, కాశీనాథ్‌యాదవ్‌, పోశెట్టి గైఔడ్‌ తదితరులు పాల్గొన్నారు.
