నవతెలంగాణ-మేడ్చల్‌ కలెక్టరేట్‌
తెలంగాణ ఆవిర్భావ దినోత్సవ వేడుకలు మేడ్చల్‌-మల్కాజిగిరి జిల్లాలో బుధవారం ఘనంగా నిర్వహించారు. కీసరలోని అమరవీరుల చిహ్నం వద్ద రాష్ట్ర కార్మిక, ఉపాధి కల్పన, ఫ్యాక్టరీస్‌, నైపుణ్యాభివృద్ధి శాఖల మంత్రి చామకూర మల్లారెడ్డి, సైబరాబాద్‌ పోలీస్‌ కమిషనర్‌ వీసీ సజ్జనార్‌ కలిసి పూలమాలలు వేసి నివాళ్లర్పించారు. అనంతరం కలెక్టరేట్‌ ఆవరణలో జాతీయ పతాకాన్ని ఆవిష్కరించి పోలీసుల గౌరవ వందనం, పెరేడ్‌ను తిలకించారు. ఈ కార్యక్రమంలో మల్కాజిగిరి డీసీపీ రక్షితా కృష్ణమూర్తి, అదనపు కలెక్టర్లు నర్సింహారెడ్డి, శ్యాంసన్‌, జిల్లా రెవెన్యూ అధికారి లింగ్యానాయక్‌, జిల్లా వైద్య, ఆరోగ్యశాఖ అధికారి డాక్టర్‌ మల్లికార్జున్‌రావు, ఆర్డీవో రవి, కలెక్టరేట్‌ అడ్మినిస్ట్రేటివ్‌ ఆఫీసర్‌ వెంకటేశ్వర్లు, ఆయా శాఖల జిల్లా అధికారులు, ప్రజాప్రతినిధులు, తదితరులు పాల్గొన్నారు.
