నవతెలంగాన-తుర్కయాంజల్
సీఎం కేసీఆర్‌ నేతృథ్వంలో రాష్ట్రం అన్ని రంగాల్లో అభివృద్ధి పథంలో దూసుకుపోతోందని రంగారెడ్డి జిల్లా సహకార కేంద్ర బ్యాంక్‌ వైస్‌ చైర్మన్‌ కొత్త కుర్మ సత్తయ్య అన్నారు. తుర్కయాంజల్ రైతు సేవా సహకార సంఘంలో బుధవారం రాష్ట్ర అవతరణ దినోత్సవ వేడుకలు ఘనంగా నిర్వహించారు. ఈ సందర్భంగా సత్తయ్య జాతీయ జెండాను ఎగరేసి మాట్లాడారు. ఎంతో మంది అమరవీ రుల ప్రాణ త్యాగలతో ప్రత్యేక రాష్ట్రం సాధ్యమైందన్నారు. దేశంలో ఎక్కడా లేని విధంగా సంక్షేమ పథకాలు అమలు చేస్తున్న ఏకైక రాష్ట్రం తెలంగాణ అన్నారు. రానున్న రోజుల్లో మరెన్నో అభివృద్ధి కార్యక్రమాలు చేయడానికి రాష్ట్ర ప్రభుత్వం సిద్ధంగా ఉందన్నారు. ఈ కార్యక్రమంలో రంగారెడ్డి జిల్లా రైతు బంధు కమిటీ చైర్మన్‌ వంగేటి లక్ష్మారెడ్డి, మున్సిపాలిటీ టీఆర్‌ఎస్‌ పక్ష నేత కళ్యాణ్‌ నాయక్‌, తుర్కయాంజల్ రైతు సేవా సహకార సంఘం వైస్‌ చైర్మన్‌ రాంరెడ్డి, డైరెక్టర్లు సామ సంజీవరెడ్డి, తదితరులు పాల్గొన్నారు.
