- నగర కమిషనరేట్‌కు 87 పతకాలు
నవతెలంగాణ-సిటీబ్యూరో
అత్యుత్తమ సేవలందించిన పోలీసులకు రాష్ట్ర ్టప్రభుత్వం సేవాపతకాలను ప్రకటించిన విషయం తెలిసిందే. తెలంగాణ అవతరణ దినోత్సవాన్ని పురస్కరించుకొని నగర కమిష నరేట్‌లో పనిచేస్తున్న ఒక్కరికీ ముఖ్యమంత్రి సర్వోన్నత పోలీస్‌ పతకం లభించగా, 9 మందికి ఉత్తమ సేవా పతకం, మరో 75 మందికి సేవా పతకాలు లభించాయి. ఈ క్రమంలో నగర పోలీస్‌ కమిషనరేట్‌లో శుక్రవారం ఏర్పా టు చేసిన కార్యక్రమంలో కమిషనర్‌ అంజనీకుమార్‌ పతకాలు సాధించిన వారిని ఘనంగా సన్మానిం చారు. ఈ సందర్భంగా కమిషనర్‌ మాట్లాడారు. హైదరాబాద్ పోలీసులకు 87 పకతకాలు లభించడం రాష్ట్రంలోనే అత్యధికమని తెలిపారు. మరింత ఉత్సాహంతో పనిచేసి పోలీస్‌శాఖకు మంచిపేరును సాధించాలన్నారు. విధి నిర్వహణలో ప్రశంసలు పొందినప్పుడే సంతోషం కలుగుతుందన్నారు. మనం చేస్తున్న పనిని ఉన్నతాధికారులే కాదు ప్రజలు గమనిస్తున్నారని తెలిపారు. లాక్‌డౌన్‌ పోలీసులు సర్థవంతంగా పనిచేస్తున్నారని తెలిపారు. ప్రతి రోజు కొత్తఉత్సాహంతో పనిచేయాలని కోరారు. ఈ సమావేశంలో అదనపు సీపీ డీఎస్‌ చౌహాన్‌, డీసీపీ సునితారెడ్డితోపాటు తదితరులు పాల్గొన్నారు.
