నవతెలంగాణ-అంబర్‌పేట
ప్రేమ్‌నగర్‌లో సమస్యలను పరిష్కరించి అన్ని రంగాల్లో అభివృద్ధి పరిచేందుకు కృషి చేస్తామని అంబర్‌పేట ఎమ్మెల్యే కాలేరు వెంకటేష్‌ అన్నారు. ఆదివారం డివిజన్‌ పరిధిలోని ప్రేమ్‌నగర్‌లో అంబర్‌పేట కార్పొరేటర్‌ ఇ.విజరుకుమార్‌గౌడ్‌తో కలిసి పర్యటించి సమస్యలను అడిగి తెలుసుకున్నారు. స్థానికులు సీసీ రోడ్లు నిర్మాణం, లోప్రెషర్‌ నీటి సమస్య, నిరుపయోగంగా ఉన్న బోర్ల సమస్యలను ఎమ్మెల్యేకు ఫిర్యాదు చేశారు. ఈసందర్భంగా ఆయన మాట్లాడుతూ ప్రేమ్‌నగర్‌లో త్వరలో సీసీ రోడ్డు నిర్మాణం, బోర్లకు మరమ్మతులు లోప్రెషర్‌ నీటి సమస్యను జల మండలి అధికారుల దృష్టికి తీసుకువెళ్లి వెంటనే పరిష్కరిస్తామని చెప్పారు. కార్యక్రమంలో జీహెచ్‌ఎంసీ డీఈ సంతోష్‌, ఏఈ శ్వేత, వాటర్‌ వర్క్స్‌ ఏఈ కుషాల్‌, టీఆర్‌ఎస్‌ పార్టీ సీనియర్‌ నాయకులు, యాసిన్‌ షరీఫ్‌, లింగారావు, దయాకర్‌ యాదవ్‌, సలీం, వంజరీ ప్రకాష్‌, జాకీ బాబు, మహేష్‌ ముదిరాజ్‌, మల్లికార్జున యాదవ్‌, అనిల్‌ గౌడ్‌, మహమ్మద్‌ గౌస్‌, జాఫర్‌, రఫిక్‌, రంగు ఉదరుగౌడ్‌, సంతోష్‌, పెంటం రాజు తదితరులు పాల్గొన్నారు.
