- అడిషనల్‌ కలెక్టర్‌ వెంకటేశ్లర్లు
నవతెలంగాణ-సిటీబ్యూరో
ఫార్మసీ డిస్ట్రిబ్యూటర్‌ నిఖిల్‌ రెడ్డి సుమారు రూ.లక్ష విలువైన అంపేటరసీన్‌ బి(బ్లాక్‌ ఫంగస్‌) ఇంజెక్షన్లు, 300 కరోనా టెస్ట్‌ కిట్లను హైదరాబాద్‌ జిల్లా అదనపు కలెక్టర్‌ వెంకటేశ్వర్లు చేతుల మీదుగా బుధవారం ఇండియన్‌ రెడ్‌ క్రాస్‌ సొసైటీ జిల్లా శాఖ చైర్మెన్‌ మామిడి భీం రెడ్డికి అందజేశారు. ఈ సందర్భంగా రెడ్‌ క్రాస్‌ చైర్మెన్‌ భీం రెడ్డి మాట్లాడుతూ.. చిన్న వయసులో సమాజానికి సేవ చేయాలనే ఆలోచన రావడం చాలా గొప్ప విషయమని అన్నారు. సమాజ సేవలవల్ల గుర్తింపు కూడా వస్తుందన్నారు. ఈ ఇంజెక్షన్లతో పాటు టెస్ట్‌ కిట్లను సామాన్య ప్రజలకు అందిస్తామని తెలిపారు. కార్యక్రమంలో రెడ్‌క్రాస్‌ ప్రతినిధులు మధుబాబు చికిలే, రిషికేశ్‌, శ్రవణ్‌, రవికిరణ్‌, శ్రీనివాస్‌, పాల్గొన్నారు.