నవతెలంగాణ-సరూర్‌నగర్‌
తెలంగాణ రాష్ట్ర ప్రజలందరు మెచ్చే నాయకుడు ముఖ్యమంత్రి కేసీఆర్‌ అని టీిఆర్‌ఎస్‌ సీనియర్‌ నాయకుడు నల్ల రఘుమారెడ్డి అన్నారు. నగరంలోని ఎల్బీనగర్‌ నియోజకవర్గ పరిధిలో ఉండే గడ్డిఅన్నారం పండ్ల మార్కెట్‌ను ఇతర ప్రాంతానికి తరలించి మార్కెట్‌ స్థలంలో ప్రభుత్వ సూపర్‌ స్పెషాలిటీి ఆసుపత్రి నిర్మించేందుకు ముందడుగు వేయడం ఎంతో గర్వించ దగ్గ విషయమని సంతోషిస్తూ, ఆదివారం చంపాపేట లోని గాంధీ బొమ్మ వద్ద టీిఆర్‌ఎస్‌ స్థానిక నాయకులు ముఖ్యమంత్రి కేసీిఆర్‌ చిత్రపటానికి క్షీరాభిషేకం చేశారు. కార్యక్రమంలో రఘుమారెడ్డి ముఖ్య అతిథిóగా పాల్గొని పార్టీ శ్రేణులతో కలసి ముఖ్యమంత్రి కేసీఆర్‌ చిత్రపటానికి క్షీరాభిషేకం చేశారు. అనంతరం ఆయన మాట్లాడుతూ పదవి ముఖ్యం కాదు, రాష్ట్ర ప్రజలంత సంపూర్ణ ఆరోగ్యవంతులుగా ఉండటమే ప్రభుత్వ లక్ష్యంగా పెట్టుకుని గడ్డిఅన్నారం పండ్ల మార్కెట్లో సూపర్‌ స్పెషాలిటీి ఆసుపత్రి నిర్మించేందుకు మంత్రివర్గ సమావేశంలో ముఖ్యమంత్రి తీర్మానించడం రాష్ట్ర ప్రజలందరికి ఎంతో గర్వకారణమన్నారు. ఈ ఆసుపత్రి ఈ ప్రాంతంలో నిర్మించటం కోసం ముఖ్య మంత్రితో అన్ని విధాలుగా కృషి చేసిన ఎమ్మెల్యే దేవిరెడ్డి సుధీర్‌రెడ్డికి అభినంద నలు తెలియజేస్తున్నామని ఆయన సంతోషాన్ని వ్యక్తం చేశారు. ఈ కార్యక్రమంలో మాజీ వార్డు సభ్యులు అనసూయ, ముడుపు రాజిరెడ్డి, నాయకులు కొత్తపేట ప్రభాకర్‌, గోపాల్‌ ముదిరాజ్‌, జి.జంగయ్య, ఉమా మహేశ్వర్‌, గూడూరు గౌతంరెడ్డి, మల్లేష్‌గౌడ్‌ పాల్గొన్నారు.
