నవతెలంగాణ-మలక్‌పేట్‌
మహేశ్వరం నియోజకవర్గం పరిధిలోని కొత్తపేట కూరగాయల మార్కెట్‌ ప్రాంగణంలో వెజిటేబుల్‌, నాన్‌వెజ్‌ ఇంటిగ్రేటెడ్‌ మార్కెట్‌, గడ్డిఅన్నారం పండ్ల మార్కెట్‌ స్థలంలో అతిపెద్ద మల్టీ స్పెషాలిటీ హాస్పిటల్‌ మంజూరు చేయడం పట్ల ముఖ్యమంత్రి కేసీఆర్‌, మంత్రి సబితా ఇంద్రారెడ్డి చిత్రపటానికి సోమవారం సరూర్‌నగర్‌ రైతుబజార్‌ ప్రాంగణంలో క్షీరాభిషేకం నిర్వహించారు. సరూర్‌నగర్‌ మండలంలో అభివృద్ధి కార్యక్రమాలు చేపట్టడం ఆనందదాయకమని, ఈసందర్భంగా సీఎం కేసీఆర్‌, మంత్రి సబితా ఇంద్రా రెడ్డికి ధన్యవాదాలు తెలిపారు. కార్యక్రమంలో మహేశ్వరం నియోజకవర్గం టీఆర్‌ఎస్‌ పార్టీ ప్రధాన కార్యదర్శి బేర బాలకిషన్‌ సరూర్‌నగర్‌ డివిజన్‌ టీఆర్‌ఎస్‌ పార్టీ అధ్యక్షులు ఆకుల అరవింద్‌ కుమార్‌, రామకృష్ణాపురం డివిజన్‌ అధ్యక్షులు మురుకుంట్ల అరవింద్‌ శర్మ, నాయకులు న్యాలకొండ శ్రీనివాస్‌ రెడ్డి, సిలివేరు వెంకట్‌ గౌడ్‌, అరవింద్‌ కుమార్‌, మొగుల్లామల్లేష్‌. మొహమ్మద్‌ సలీం, యశ్వంత్‌ రెడ్డి, రాఘవేందర్‌ రెడ్డి, గోవర్ధన్‌ రెడ్డి, రాకేశ్‌, శ్రీకాంత్‌ తదితరులు పాల్గొన్నారు.
