నవతెలంగాణ-ఏఎస్‌రావునగర్‌
కరోనా నేపథ్యంలో తమ ప్రాణాలను సైతం పణంగా పెట్టి సేవలందిస్తున్న వైద్యుల కృషి అభినందనీయమని ఉప్పల్‌ ఎమ్మెల్యే బేతి సుభాష్‌రెడ్డి అన్నారు. డాక్టర్స్‌ డే సందర్భంగా గురువారం కుషాయిగూడ లయన్స్‌ క్లబ్‌ అధ్యక్షుడు కొత్త రామారావు, కాప్రా సర్కిల్‌ టీఆర్‌ఎస్‌ పార్టీ మాజీ ప్రధాన కార్యదర్శి కాసం మైపాల్‌ రెడ్డిల ఆధ్వర్యంలో కుషాయిగూడ పట్టణ ప్రాథమిక ఆరోగ్య కేంద్రంలో డాక్టర్ల, వైద్య సిబ్బందికి నూతన వస్త్రాలు పంపిణీ చేశారు. కార్యక్రమంలో టీఆర్‌ఎస్‌ నాయకులు బేతాళ బాలరాజు, కొండూరు మురళి, కందుల లక్ష్మీనారాయణ, శ్రీనివాస్‌ గౌడ్‌, షేర్‌ మన్నెమ్మ, సుదర్శన్‌ రెడ్డి, గగన్‌, గరిక సుధాకర్‌, సీతారాం రెడ్డి, యార్లగడ్డ దుర్గ, సత్యమ్మ పాల్గొన్నారు.