- కుత్బుల్లాపూర్‌ ఎమ్మెల్యే కేపీ వివేకానంద్‌
నవతెలంగాణ-జగద్గిరిగుట్ట
నాటిన మొక్కలను భాధ్యతగా రక్షించాలని కుత్బుల్లాపూర్‌ ఎమ్మెల్యే కేపీ వివేకానంద్‌ అన్నారు. పట్టణ ప్రగతి కార్యక్రమంలో భాగంగా గాజులరామారం డివిజన్‌ పరిధిలోని బాలయ్యనగర్‌, మహదేవ్‌పురంలో నిర్వహించిన హరితహరం కార్యక్రమంలో ఆయనతో పాటు స్థానిక కార్పొరేటర్‌ రావుల శేషగిరిరావు పాల్గొని మొక్కలు నాటారు. ఈ కార్యక్రమంలో డీసీ రవిందర్‌కుమార్‌, జలమండలి జీఎం శ్రీధర్‌రెడ్డి, ఈఈ కృష్ణచైతన్య, డీజీఎం అప్పలనాయుడు, డీఈ రాజు, స్థానిక నాయకులు తదితరులు పాల్గొన్నారు.
- రంగారెడ్డినగర్‌ డివిజన్‌ పరిధిలోని ఏపీహెచ్‌బీకాలనీ, ఆదర్శనగర్‌లో నిర్వహించిన పట్టణ ప్రగతి కార్యక్రమంలో కుత్బుల్లాపూర్‌ ఎమ్మెల్యే వివేకానంద్‌, స్థానిక కార్పొరేటర్‌ బి.విజరుశేఖర్‌గౌడ్‌లు పాల్గొని మొక్కలు నాటారు. కార్యక్రమంలో డీసీ మంగతాయారు, నోడల్‌ అధికారి భానుచందర్‌, ఏఈ ఆశ, ఆర్టికల్చర్‌ విభాగం దివ్య, స్థానిక నాయకులు తదితరులు పాల్గొన్నారు.
- జగద్గిరిగుట్ట డివిజన్‌ పరిధిలోని భూదేవిహిల్స్‌, మైసమ్మనగర్‌, కూన మహలక్ష్మీనగర్‌లలో నిర్వహించిన పట్టణ ప్రగతి కార్యక్రమంలో స్థానిక కార్పొరేటర్‌ కొలుకుల జగన్‌ పాల్గొని మొక్కలు నాటారు. కార్యక్రమంలో ఏఈ సతీష్‌, ఎలక్ట్రికల్‌ ఏఈ వెంకట్‌రెడ్డి, జలమండలి మేనేజర్‌ అంకిత్‌, స్థానిక నాయకులు తదితరులు పాల్గొన్నారు.
- చింతల్‌ డివిజన్‌ పరిధిలోని రోడామేస్త్రీనగర్‌లో హజీ అలి ఈద్గాలో నిర్వహించిన పట్టణ ప్రగతి కార్యక్రమంలో స్థానిక కార్పొరేటర్‌ రశీదాబేగం పాల్గొని మొక్కలు నాటారు. ఈ కార్యక్రమంలో ఎఈ సంపత్‌, శానిటేషన్‌ సూపర్‌వైజర్‌ దుర్గారావు, స్థానిక నాయకులు తదితరులు పాల్గొన్నారు.
