నవతెలంగాణ-కాశిబుగ్గ/ఖిలా వరంగల్
'దానాల్లోకెల్లా అన్నదానం మిన్న' అని ఇండియన్‌ మెడికల్‌ అసోసియేషన్‌ అధ్యక్షుడు డాక్టర్‌ సుధీర్‌ కుమార్‌ అన్నారు. శుక్రవారం వరంగల్ భద్రకాళి ఆలయం వద్ద పలని సేవాదళ్‌ ఆధ్వర్యంలో చేపట్టిన అన్నదాన కార్యక్రమానికి డాక్టర్‌ సుధీర్‌ కుమార్‌ ముఖ్య అతిథిగా హాజరై ప్రారంభించారు. ఈ సందర్భంగా ఆయన మాట్లాడుతూ.. గత మూడు సంవత్సరాలుగా సేవా దళ్‌ ఆధ్వర్యంలో అన్నదానం చేపట్టడం అభినందనీయమని అన్నారు. కొవిడ్‌ నిబంధనలు పాటిస్తూ అన్నదాన కార్యక్రమాన్ని నిర్వహించిన నిర్వాహకులను ఈ సందర్భంగా ఆయన అభినందించారు. ఈ కార్యక్రమంలో వరంగల్ ప్రెస్‌ క్లబ్‌ అధ్యక్షుడు తుమ్మ శ్రీధర్‌రెడ్డి, పలని సేవాదళ్‌ నిర్వాహకులు బొడ్ల రవీంద్రనాథ్‌, గుండా అమర్‌ నాథ్‌, పబ్బతి సత్యనారాయణ, ఉప్పల అనిల్‌ కుమార్‌, వేల్పూరి రవి కుమార్‌, వేముల నాగరాజు, నూతన్‌ కుమార్‌, దొడ్ల సద్గున్‌, మందిర్‌ సింగ్‌, కార్తీక్‌, అరవింద్‌, సారంగపాణి, తదితరులు పాల్గొన్నారు.
