- ప్రమాద బాధితుడికి రూ.5వేల ఆర్థిక సహాయం
నవతెలంగాణ - మలక్‌పేట్‌
నకిరేకల్‌ దగ్గర చందుపట్ల గ్రామానికి చెందిన సైదులు(25) ట్రాక్టర్‌ ప్రమాదంలో గాయపడి తన రెండుకాళ్ళు తీసివేయాల్సి వచ్చిందని, ఆపరేషన్‌ కోసం డబ్బులు లేక తన వద్ధ తల్లిదండ్రులు తీవ్ర ఇబ్బంది పడుతున్నారని వాట్సాప్‌ ద్వారా వచ్చిన సమాచారం తెలుసుకొని ఎల్బీనగర్‌ ట్రాఫిక్‌ అదనపు ఇన్‌స్పెక్టర్‌ అంజపల్లి నాగమల్లు వెంటనే అతడు అడ్మిట్‌ అయిన జయదేవ్‌ హాస్పిటల్‌ (ఎల్బీనగర్‌)కి వెళ్లి 5వేల రూపాయలు ఆర్థిక సహాయం అందించి, అతడికి ధైర్యం చెప్పడం జరిగింది. తోటివారికి కష్ట సమయాల్లో సహకారం అందించాలనే ఉన్నత అధికారుల మాటలే నాకు సహాయం చేయడానికి స్ఫూర్తిని ఇచ్చాయని ఆయన తెలిపారు.