- మొదటి రోజే సత్తాచాటిన నిజాం కాలేజీ విద్యార్థి రాహుల్‌ డేవిడ్‌
- 133 బంతుల్లో 11 ఫోర్లు, 99 పరుగులతో నాటౌట్‌
నవతెలంగాణ-సిటీబ్యూరో
హైదరాబాద్‌ క్రికెట్‌ అసోసియేషన్‌ టు డే లీగ్‌ మ్యాచ్‌లో మొదటి రోజు పాల్గొన్న హైదరాబాద్‌ నిజాం కాలేజీ జట్టు సత్తా చాటింది. మంగళవారం జీఎస్‌ఆర్‌ క్రికెట్‌ గ్రౌండ్‌లో గ్రీన్‌ టఫ్‌, నిజాం కాలేజీ జట్ల మధ్య క్రికెట్‌ మ్యాచ్‌ కొనసాగింది. టాస్‌ గెలిచి బ్యాంటింగ్‌ ఎంచుకున్న నిజాం కాలేజీ జట్టు 68.3 ఓవర్లలో 319 పరుగులు చేసి ఆలౌట్‌ అయింది. మొదల బ్యాటింగ్‌కు దిగిని నిజాం కాలేజీ జట్టుకు చెందిన యశ్వంత్‌ 118 బంతులను ఎదుర్కొని 84 పరుగులు చేయగా, రాహుల్‌ డేవిడ్‌ 133 బంతుల్లో 99 పరుగులు చేసి నాటౌట్‌గా నిలిచాడు. రాహుల్‌ డేవిడ్‌ 11ఫోర్లతో దూకుడుగా ఆడి స్కొర్‌బోర్టును పరుగులు పెట్టించాడు. అనంతరం బ్యాటింగ్‌కు దిగిన గ్రీన్‌ టఫ్‌ 34 పరుగులు చేసి ఒక వికెట్‌ కోల్పోయింది.