నవతెలంగాణ-బంజారాహిల్స్‌
వ్యవసాయ రంగంలో వస్తున్న సాంకేతికతను ఎప్పటికప్పుడు అందిపుచ్చుకొని రైతులకు ట్రాక్టర్‌ జాన్‌ డీర్‌ నమ్మకమైన సేవలను అందిస్తుందని వీవీసీ మోటార్‌ మేనేజింగ్‌ డైరెక్టర్‌ రాజేంద్ర ప్రసాద్‌ తెలిపారు. గురువారం తెలంగాణ జాన్‌డీర్‌ డీలర్స్‌ అసోసియేషన్‌ ఆధ్వర్యంలో ఏర్పాటు చేసిన సమావేశంలో దసరా ధమాకా 2021 బంపర్‌ ఆఫర్‌ను ఆవిష్కరించారు. రాష్ట్రంలోని 33 జిల్లాలో లక్షకుపైగా ట్రాక్టర్లను విక్రయించి నెంబర్‌ వన్‌ గుర్తింపు పొందిందని తెలిపారు. అక్టోబర్‌ వరకు ట్రాక్టర్లు కొన్న లబ్ధిదారులకు నవంబర్‌లో లక్కీ డ్రా నిర్వహించి విజేతలను ప్రకటిస్తామన్నారు. కార్యక్రమంలో డీలర్లు శేఖర్‌, సుదర్శన్‌ రెడ్డి, గోపాల్‌ రెడ్డి, రాజేష్‌ యాదవ్‌, నితీష్‌ తదితరులు పాల్గొన్నారు.
మీ స్నేహితులకు రికమెండ్ చెయ్యండి
