నవతెలంగాణ-మీర్‌పేట్‌
మానసిక, శారీరక దృఢత్వానికి క్రీడలు ఎంతో అవసరమని మీర్‌పేట్‌ ఇన్‌స్పెక్టర్‌ మహేందర్‌రెడ్డి అన్నారు. శుక్రవారం టీఆర్‌ఆర్‌ విద్యాసంస్థల చైర్మన్‌ తీగల కృపాకర్‌ రెడ్డి స్మారక క్రీడోత్సవాలులను ప్రారంభించారు. ఈ సందర్భంగా ఆయన మాట్లాడుతూ తీగల కృపాకర్‌ రెడ్డి క్రీడల పట్ల ఎంతో ఆసక్తితో ఉండి ఎంతో మంది క్రీడాకారులను ప్రోత్సహిస్తూ ఉండేవారని గుర్తు చేశారు. రాష్ట్ర నెట్‌ బాల్‌ చైర్మన్‌గా కూడా పని చేశారని తెలిపారు. వారి ఆశయాన్ని ముందుకు తీసుకెళ్లేందుకు వారి తనయులు టీఆర్‌ఆర్‌ విద్యాసంస్థల కార్యదర్శి తీగల నితీష్‌రెడ్డి, తీగల దినేష్‌రెడ్డి ఈ క్రీడలు ఏర్పాటు చేయడాన్ని అభినందించారు. ఈ కార్యక్రమంలో కార్పొరేటర్లు అక్కి మాధవి ఈశ్వర్‌గౌడ్‌, ఉయ్యాల నవీన్‌గౌడ్‌, కీసర హరినాథ్‌రెడ్డి, తీగల సాయినాథ్‌ రెడ్డి, ఆర్గనైజర్లు కిరణ్‌రెడ్డి, శ్రీనివాస్‌, తిలక్‌, కోచ్‌ రాజు, మల్లికార్జున్‌, క్రీడాకారులు పాల్గొన్నారు.
