నవతెలంగాణ-సిటీబ్యూరో
ప్రత్యేక రాష్ట్రం ఏర్పాటు తర్వాత సీఎం కేసీఆర్‌ క్రీడలకు పెద్దపీట వేస్తున్నారని రాష్ట్ర రాష్ట్ర అబ్కారీ, క్రీడా, పర్యాటక, సాంస్కతిక శాఖ మంత్రి వి.శ్రీనివాస్‌ గౌడ్‌ అన్నారు. మంత్రి తన నివాసంలో సికింద్రాబాద్‌కు చెందిన బాక్సింగ్‌ క్రీడాకారిణి ఎస్‌ఎం.వైష్ణవి హర్యా నాలో జరిగిన 1వ టీఏఎఫ్‌ఐఎస్‌ఏ ఓపెన్‌ నేషనల్‌ గేమ్స్‌ - 2021లో గోల్డ్‌ మెడల్‌ సాధించిన సందర్భంగా అభినందించారు. ఈ సందర్భంగా మంత్రి మాట్లాడుతూ క్రీడలకు పెద్ద పీట వేస్తన్నామనీ, భాగంగా రాష్ట్రంలో క్రీడా పాలసీని రూపొందిస్తున్నామన్నామని తెలిపారు. దేశంలోనే తెలంగాణను క్రీడా హబ్‌గా తీర్చిదిద్దుతున్నా మన్నారు. బాక్సింగ్‌లో అద్భుత ప్రతిభ కనబరుస్తూ జాతీయ స్థాయిలో గోల్డ్‌ మెడల్‌ సాధించిన వైష్ణవి అంతర్జాతీయ స్థాయిలో రాణించాలని మంత్రి ఈ సందర్భంగా ఆకాంక్షించారు. త్వరలో నేపాల్‌లో జరగనున్న 1వ టీఏఎఫ్‌ఐఎస్‌ఏ ఇండో - నేపాల్‌ ఇంటర్నేషనల్‌ ఛాంపియన్‌ షిప్‌లో పతకాన్ని సాధించి బాక్సింగ్‌లో రాష్ట్రానికి పేరు తేవాలని సూచించారు. ఈ కార్యక్రమంలో కోచ్‌ కృష్ణ, తల్లిదండ్రులు శ్రీనివాస్‌, వెన్నెల, సుధాకర్‌, తదితరులు పాల్గొన్నారు.
