నవతెలంగాణ-కంటోన్మెంట్‌
రానున్న రోజుల్లో బీజేపీ బలమైన శక్తిగా ఎదుగుతుందనీ, దేశవ్యాప్తంగా ప్రభంజనం ఉంటుందని ఆ పార్టీ మహంకాళి జిల్లా అధ్యక్షుడు శ్యాంసుందర్‌ గౌడ్‌ అన్నారు. బుధవారం బోర్డు సీనియర్‌ మాజీ ఉపా ధ్యక్షుడు జంపన ప్రతాప్‌ ఆధ్వర్యంలో డివిజన్‌ అధ్యక్షుడు కృష్ణ మోహన అధ్యక్షతన స్థానిక జీవీఆర్‌ గార్డెన్‌లో జరిగిన 1వ వార్డు బీజేపీ కార్యవర్గ సమావేశంలో ఆయన మాట్లాడారు. మహంకాళి బీజేపీ బలమైన శక్తిగా మార్చేందుకు ఇప్పటికే అన్ని డివిజన్‌ కమిటీలు వేశామన్నారు. రానున్న రోజుల్లో బీజేపీకి మరే పార్టీ పోటీ ఉండదని ధీమా వ్యక్తం చేశారు. జిల్లా ఉపాధ్యక్షుడు ఆకుల నాగేష్‌, నాయకులు జంపన ప్రతాప్‌, రామకృష్ణ మాట్లాడుతూ క్యాబినెట్ మంత్రి అయిన తర్వాత కిషన్‌రెడ్డి మొదటిసారిగా ఈ నెలలో హైదరాబాద్‌కి వస్తున్నారనీ, ఈ సందర్భంగా కార్యకర్తలు అందరూ ఘన స్వాగతం పలికేందుకు ఏర్పాటు చేయాలన్నారు. రాష్ట్ర అధ్యక్షుడు బండి సంజరు చేపట్టనున్న పాదయాత్రను విజయవంతం చేసేందుకు కంటోన్మెంట్‌ నుంచి కార్యకర్తలు భారీగా తరలి వెళ్లాలనీ, అందుకు సిద్ధం కావాలని పిలుపునిచ్చారు. ఈ కార్యక్రమానికి ముందు జిల్లా కార్యదర్శి పెద్ది రవి మాట్లాడుతూ సమావేశానికి వచ్చిన వివిధ మోర్చా కార్యకర్తలు, నాయకులను పేరుపేరునా పలకరించి వారు చేయాల్సిన బాధ్యతలను గుర్తు చేశారు. డివిజన్‌ కమిటీల్లో ప్రతి బస్తీ, కాలనీల నుంచి ఒకరికి ప్రాధాన్యత ఇవ్వాలని సూచించారు. కార్యకర్తలు ప్రతి సందర్భాన్ని ఉపయోగించుకుని కార్యక్రమాలను నిర్వహించి కార్యకర్తలను ఉత్సాహ పర్చాలనీ, ప్రజల్లోకి చొచ్చుకు పోవాలని సూచించారు. ఈ కార్యక్రమంలో వివిధ మోర్చ ప్రతినిధులు, సీనియర్‌ నాయకులు కపిల్‌, బరాబరీ రాయల్‌ కుమార్‌, లక్ష్మణ్‌, మల్లికార్జున్‌, ఓం ప్రకాష్‌, వెంకట రమణ, తదితరులు పాల్గొన్నారు.
