- చేవెళ్ల ఎంపీ రంజిత్‌ రెడ్డి
- టీకేఆర్‌ కాలేజీలో గ్రాడ్యుయేషన్‌ డే
నవతెలంగాణ-హైదరాబాద్
విద్యార్థులందరూ సృజనాత్మకతను పెంపొందించుకోవాలని చేవెళ్ల ఎంపీ డాక్టర్‌ రంజిత్‌ రెడ్డి అన్నారు. బుధవారం తీగల కృష్ణారెడ్డి ఇంజినీరింగ్‌ కళాశాలలో గ్రాడ్యుయేషన్‌ డే ఘనంగా నిర్వహించారు. ఈకార్యక్రమానికి ఆయన ముఖ్యఅతిథిగా హాజరై మాట్లాడుతూ విద్యార్థులు పోటీ ప్రపంచంలో ముందుకు వెళ్లేందుకు కష్టం అనుకోకుండా ఇష్టంగా చదివినప్పుడు అనుకున్న లక్ష్యాన్ని చేరుకుంటారని తెలిపారు. అనంతరం ఉత్తమ ఫలితాలు సాధించిన విద్యార్థులకు పట్టాలు, సీఎస్సీ డిపార్ట్మెంట్‌లో జె తేజశ్రీ అత్యధిక మార్కులు సాధించినందుకు గోల్డ్‌ మెడల్‌ అందజేశారు. కార్యక్రమంలో టీకేఆర్‌ విద్యాసంస్థల చైర్మెన్‌ తీగల కృష్ణారెడ్డి, కార్యదర్శి హరినాథ్‌ రెడ్డి, కోశాధికారి అమర్నాథ్‌ రెడ్డి, ప్రిన్సిపాల్‌ రవి శంకర్‌, వివిధ డిపార్ట్మెంట్ల ప్రిన్సిపాల్స్‌, ప్రొఫెసర్స్‌, విద్యార్థులు పాల్గొన్నారు.
