నవతెలంగాణ - మల్కాజిగిరి
18 సంవత్సరాలు నిండిన ప్రతి ఒక్కరు వ్యాక్సిన్‌ వేయించు కోవాలని వ్యాక్సిన్‌పై ఎలాంటి అపోహాలు లేకుండా కోవిడ్‌ నియంత్రణకు ప్రతి ఒక్కరు వ్యాక్సిన్‌ వేయించుకోవాలని స్థానిక కార్పొరేటర్‌ శ్రావణ్‌కుమార్‌ అన్నారు. మల్కాజిగిరి డివిజన్‌లోని బాల సరస్వతి నగర్‌లో ఉగురువారం ఏర్పాటు చేసిన వ్యాక్సినేషన్‌ డ్రైవ్‌ను కార్పొరేటర్‌ శ్రావణ్‌కుమార్‌ పరిశీలించారు. ఈ సందర్భంగా ఆయన మాట్లాడుతూ వ్యాక్సిన్‌ వేసుకోవడానికి ప్రజల నుంచి మంచి స్పందన ఉందని, ప్రతి ఒక్కరు వ్యాక్సిన్‌ తీసుకోవాలని, మాస్కు తప్పనిసరిగా ధరించి భౌతిక దూరం పాటించిన్నప్పుడే కరోనా నుంచి రక్షణ పొందవచ్చని కార్పొరేటర్‌ అన్నారు. ఈ కార్యక్రమంలో అధికారులు సిబ్బంది, కాలనీవాసులు, స్థానికులు పాల్గొన్నారు.
మీ స్నేహితులకు రికమెండ్ చెయ్యండి
