కుషాయిగూడ అడిషనల్‌
డీసీపీ కె.శివకుమార్‌
నవతెలంగాణ-మేడ్చల్‌ కలెక్టరేట్‌
గణేష్‌ నిమజ్జనానికి పకడ్బందీ ఏర్పాట్లు చేయాలని కుషాయిగూడ అడిషనల్‌ డీసీపీ కె.శివకుమార్‌ అధికారులకు సూచించారు. గురువారం నాగారం మున్సిపాలిటీలోని రాంపల్లి పాత చెరువు ప్రాంతాన్ని మున్సిపల్‌ చైర్మెన్‌ కౌకుంట్ల చంద్రారెడ్డి, మున్సిపల్‌ కమిషనర్‌ వాణి, పోలీస్‌ అధికారులతో కలిసి పరిశీలించారు. రాంపల్లి గ్రామం చుట్టుపక్కల ప్రాంతాల నుంచి ఎక్కువగా వినాయక నిమజ్జనానికి వచ్చే అవకాశం ఉన్నందున పకడ్బందీ ఏర్పాట్లు చేయాలని సూచించారు. భక్తులు కరోన జాగ్రత్తలు పాటించి నిమజ్జన వేడుకల్లో పాల్గొనేలా చూడాలని అధికారులను ఆదేశించారు. కార్యక్రమంలో కీసర సీఐ నరేందర్‌ గౌడ్‌, ఎస్‌ఐలు రామసూర్యం, బభ్య నాయక్‌, కౌన్సిలర్లు గోక కళావతి యాదగిరి, ఎలిజాల నాగేష్‌ గౌడ్‌, బిజ్జ శ్రీనివాస్‌ గౌడ్‌, కో ఆప్షన్‌ సభ్యుడు క్యాసరం అశోక్‌ గౌడ్‌, టీఆర్‌ఎస్‌ మున్సిపల్‌ ప్రధాన కార్యదర్శి మచ్చ శ్రీనివాస్‌ గౌడ్‌, టీఆర్‌ఎస్‌ ఎస్సీసెల్‌ అధ్యక్షుడు మీసాల ఎల్లమయ్య, బీసీ సెల్‌ అధ్యక్షుడు ఎలిజాల శ్రీశైలం గౌడ్‌, దయాకర్‌ తదితరులు పాల్గొన్నారు.
