నవతెలంగాణ-సిటీబ్యూరో
అభివృద్ధిలో హెచ్‌ఎండీఏ ఉద్యోగుల పాత్ర ఎంతో కీలకంగా ఉందని స్పెషల్‌ చీఫ్‌ సెక్రటరీ, మెట్రోపాలిటన్‌ కమిషనర్‌ అరవింద్‌కుమార్‌ అన్నారు. శుక్రవారం హెచ్‌ఎండీఏ తెలంగాణ ఉద్యోగుల సంఘం అధ్యక్ష ప్రధానకార్యదర్శులు డీవై.విజరుకుమార్‌, ఎస్‌.శ్రీనివాస్‌ల ఆధ్వర్యంలో స్పెషల్‌ సీఎస్‌గా పదోన్నతి పొందిన అరవింద్‌ కుమార్‌ను ఘనంగా సన్మానించారు.
అనంతరం వారు మాట్లాడుతూ కమిషనర్‌గా అరవింద్‌ కుమార్‌ వచ్చాకే హెచ్‌ఎండీఏకి పూర్వవైభవం వచ్చిందని, ముఖ్యమంత్రి కేసీఆర్‌, పురపాలక శాఖ మంత్రి కెేటీ.రామారావు మార్గదర్శకంలో హెచ్‌ఎండీఏ ఉద్యోగులు ప్రభుత్వానికి ఇటు ప్రజలకు మరింత దగ్గర అయ్యార న్నారు. ఉద్యోగులు ఎంతో బాధ్యతాయుతంగా విధులు నిర్వహించి సంస్థ పురోగతికి పాటు పడుతున్నారని వారు వివరించారు. కార్యక్రమంలో ఉద్యోగుల సంఘం ఉపాధ్యక్షులు విశ్వప్రసాద్‌, ఆర్గనైజింగ్‌ సెక్రటరీ రమేష్‌చరణ్‌, కోశాధికారి సుధీర్‌కుమార్‌, సభ్యులు ఉమా, రాధిక, గౌతమ్‌ ఉన్నారు.
