నవతెలంగాణ-కాప్రా
విద్యా రంగంలో విశిష్ట సేవలు అందించిన, అందిస్తున్న పలువురు ఉపాధ్యాయులను ఉపాధ్యాయ దినోత్సవం సందర్భంగా కుషాయిగూడ లయన్స్‌ క్లబ్‌ అధ్యక్షుడు లయన్‌ పీఎంఎస్‌ పిళ్ళై సన్మానించారు. ఈసీఐఎల్‌ రౌండ్‌ బిల్డింగ్‌ లయన్స్‌ భవన్‌లో ఉపాధ్యాయ దినోత్సవాన్ని నిర్వహించారు. ఈ కార్యక్రమానికి ముఖ్య అతిథులుగా డిస్టిక్‌ 320 సి లయన్స్‌ క్లబ్‌ గవర్నర్ లయన్‌ ఆవుల గోపాల్‌ రావు, అతిథులుగా కుషాయిగూడ లయన్స్‌ క్లబ్‌ హాస్పిటల్‌ చైర్మెన్‌ మాజీ కార్పొరేటర్‌ కొత్త రామారావు హాజరయ్యారు. ఈ సందర్భంగా ఉస్మానియా యూనివర్సిటీ రిటైర్డ్‌ ప్రొఫెసర్‌, రెండు తెలుగు రాష్ట్రాల పాఠశాల పాఠ్య పుస్తకాల కమిటీ సభ్యులు లయన్‌ కొయ్య వెంకటేశ్వర రావు, ఈసీఐఎల్‌ చైతన్య కళాశాల ప్రధానోపాధ్యాయులు నరసింహారావు, కుషాయిగూడ శ్రీ సరస్వతి శిశు మందిర్‌ ఉన్నత పాఠశాల ఉపాధ్యాయులను శాలువాలతో సన్మానించి జ్ఞాపికలను అందజేశారు. కార్యక్రమంలో లయన్స్‌ క్లబ్‌ ఆఫ్‌ కుషాయిగూడ కార్యదర్శి లయన్స్‌ సుధాకర్‌, సభ్యులు లయన్‌ రిలయన్స్‌ శ్రీనివాస్‌, లయన్‌ రవిశంకర్‌, లయన్‌ వీవీఎస్‌ ఎన్‌ మూర్తి, లయన్‌ సత్తయ్య గౌడ్‌, లయన్‌ చంద్రశేఖర్‌, లయన్‌ నారాయణస్వామి, లయన్‌ బాలకష్ణ, లయన్‌ రామ్‌ చందర్‌ తదితరులు పాల్గొన్నారు.
