నవతెలంగాణ-ఓయూ
ఉస్మానియా విశ్వవిద్యాలయం ఆధ్వర్యంలో ఈనెల 17 నుంచి 27వరకు 'కామన్‌ పోస్ట్‌ గ్రాడ్యుయేషన్‌ ఎంట్రెన్స్‌ టెస్ట్‌'(సీపీజీఈటీ-2021) ప్రవేశ పరీక్షలు నిర్వహించటానికి అన్ని ఏర్పాట్లు పూర్తి చేసినట్లు కన్వీనర్‌ ప్రొఫెసర్‌ పాండురంగారెడ్డి తెలిపారు. ఈమేరకు బుధవారం ఆయన మీడియాతో మాట్లాడారు. ఏడు యూనివర్సిటీలో 39,886 సీట్ల భర్తీ కోసం మొత్తం 78, 252 మంది విద్యార్థులు దరఖాస్తులు చేసుకున్నట్టు చెప్పారు. హైదరాబాద్‌లో 6, మహబూబ్‌ నగర్‌, నల్గొండ, సూర్యాపేట, కోదాడ, నిజామాబాద్‌, కరీంనగర్‌, వరంగల్‌, ఖమ్మం, అదిలాబాద్‌, పెద్దపల్లి పరీక్ష కేందాల్లో అన్ని ఏర్పాటు పూర్తిచేశామన్నారు. కోవిడ్‌ నిబంధనల నేపథ్యంలో విద్యార్థులు పరీక్ష కేంద్రానికి ముందే చేరుకోవాలని సూచించారు.